Shaahiyoo 19:22 - Kafa Linguistics Project

²² Ashi waanee qaaweebeeto gibeneyoone; koote asho tunoyee girecho tuno gaawiye.

Shaahiyoo 19:22 ပူးပေါင်းရင်းမြစ်များ

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

2 Kiinoo 6:8

Doono Yeeriyoo ta nihoo Daawitich ishichiye: ‘Ta shigoyich kexon hagga ne mulloona gabito neene; ebin ne gaboo gaawe mooyone.

Iyoobi 17:5

Gijjoocha iꞌi bi nuuchoon beshii immiibeeti asho, bi bushiishoo aafo daayemmone.

Iyoobi 6:15

Tunebaani ta maneenaꞌo woce aacochoommon, amiyo aallehooba shuuqqiibeeti aacochoommon, gibeneyaaneenaꞌo tuneheete.

Shoddo 62:9

Sharaaree ashi yaroo tunoyich gaaco aalloone; ooge ashi yaroo getteyoo kootoone; machoona bi qocceegaata am bedaaneenaꞌone. Boonoshi bulliyona hiinni bedaani ketteenaꞌone.

Shaahiyoo 19:1

Bi heciyoon guttiibeeti mullaalli ashoyee, oonneyaani beemon beeti girecho gaawiye.

Shaahiyoo 19:21

Ashi mullooch beeto meeti gaboone; tunebaani ceennemmo Doono Yeeri gettitone.

Shaahiyoo 19:23

Doono Yeerin shato kasho waan yaabiye; biin shattiibeeto digaayoona beehe; gonde mooyo bi waan shagaache.

2 Qorontoosi 8:12

Imoyich daaggiti asho bi beegaata, Yeeri qaawiibeeto, biich beetoochee imonalli, aalloochee toonoone.

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.