Shaahiyoo 18:10 - Kafa Linguistics Project

¹⁰ Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Shaahiyoo 18:10 ပူးပေါင်းရင်းမြစ်များ

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 32:11

Ta manoo Esayichi kishoochee taan ne wodiyemmoyich neen qollehoye. Biyoo waaree, ‘Taan, ebi indeenaꞌonoo boonoshi bushiishoona tookki wuxi aalliyemmone’ iyaa shatteto taane.

2 Saameeli 22:2

Biyoo ishichiye: “Doono Yeeri ta deebe xaqqo, ta mishigo, taan wodiyecho,

2 Saameeli 22:3

ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone; taan wodiyecho, xuꞌechinaꞌo kishoochee taan wodii beetone.

2 Saameeli 22:51

Doono Yeeri bi taatiiti taatoyich wudoon immii beetone; bi huuttitoyich bi shoodoon bekkii beetone; ebinoo Daawitinaa bi shiijjereenaꞌonoyich bulli yemeenoon tuniihe” iye.

Shoddo 144:2

Taach shoodecho, ta mishigo, ta deeboonaa taan wodiyechonane. Ta gaachoo, shoobbii taan wodiyecho, macceenaꞌon taach hajjiibeetoo biine.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 20:2

Bi yaafee kexoochee gaachoon neech deejjibe; Tsiyooni guudoochaanoo neen dege.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 91:14

Yeeri ishichii beetone: “Taan bi shunnii beetoyich biin wodiyemmo taane; ta shigoon bi arii beetoyich, biin quyemmo taane.

Shoddo 91:2

Doono Yeerin “Taach deeboonaa mishigoona neene; neen ta gibenaabeeti ta Nuggishoo neene” gettemmone.

Keyo 6:3

Beshe Hakkechi Nuggishoo ta tunoon arichiyoona, Abrahamich, Yisaaqich, Yaaqobichoo bekketo taane. Tunebaani Doono Yeeri ii beeti ta shigoona boonoshich bekkeyaano taane.

Shaahiyoo 14:26

Doono Yeerin shattii beetoyich kupphe gibeno beetone; bi bushiishoyichoo deebo beetone.

Shaahiyoo 29:25

Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Isiyaasi 26:4

Bulli yemeenooch Doono Yeerin gibenebote. Nuggishoo Doono Yeeri, nooch bulli yemeenee deebe xaqqoone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Imbaaqoomi 3:19

Nuggishoo Doono Yeeri taach giidoon immii beetone; ta baatoon doollee baatoochoommon kupphiyemmone; guudi toommoochoo wocona ta kechemmoyich tuniyemmone.

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

1 Saameeli 17:45

Daawitiyoo biich ishichiye: “Ne, goraadoon, giishi ginoonaa ooge ginoonon yechaꞌa ta waan waabeeto neene. Tunebaani ta, ne miicheti, Israꞌeelee ginee naayinaꞌo Nuggishoo tuneti, Beshe Mawe Doono Yeeri shigoona ne waan waabeeto taane.

1 Saameeli 30:6

Asheenaꞌo biin xaqqoona yexxa boonoshi itoyich, Daawiti oogeton xuuxehe. Ebiyoo asheenaꞌo boonoshi anaami bushiisheenaꞌonaa maache bushiisheenaꞌonochi naboona mooyo boonoshich bi caammitoyichiye. Tunebaani Daawiti bi Nuggishoo Doono Yeerina kupphehe.