2 Qocaalli bushoon, mullechi guuno hajjemmone; manaamaneenaꞌona tookkishoo iristoon qoodeyemmone.
Maayo kashiyooba, qecciibeeti bushoo ariyechone; tunebaani qeci goorooch tokketeebeeto yeelliiti bushoone.
Bi kechi ashoon iritiibeeto, amoonolla woraashaachemmone; tuushe asho mullechoyich maddecho tunemmone.
Mullechi maddechon taatoo shunniye; tunebaani yeelliibeeti maddechon taatoo kaarehe.
Kaaro beeti kexoochaa gifiroon mamoyee, diggoo beetoochaa dapphe koshon mamo gaawiye.
Aachoonaa birewoonon qaaqqoo haattiye; Doono Yeeri ashi mulloon haattiye.
Bi nihoon duꞌiibeeti, bi indeenoo kexoochee yookkiibeeto, yeellii cooniibeeti bushoone.
Kaaree sheeroo mullechon tuniihe; tunebaani sheereyaani bushoo bi indeen yeelliihe.
Ciicoon waayeyaani mullaalli geene taatoyee, mullechi girechi gurimaashoo gaawiye.