Shaahiyoo 17:11 - Kafa Linguistics Project

¹¹ Gonde asho hukkoon baach qaawiye; ebich mulli manje wocheyecho bi waan wocheyemmone.

Shaahiyoo 17:11 ပူးပေါင်းရင်းမြစ်များ

2 Saameeli 15:12

Abisoloomi deejjoon giddiibee, Daawitin ciicciibeeti asheenaꞌo daggoochee ikkoo tuneti Akixofeelin bi katemoo Giloonee bi woyemmoyich wochehe. Taatoo toommooch boonoshi koceeti koceyoo manjii manjii hammiye. Abisoloomin dabbiibeeti asheenaꞌoo meettii meettii hammiyeete.

2 Saameeli 18:15

Yoꞌaabichi quyee naayinaꞌo tuneti aashire gurimaasheenaꞌo Abisoloomin giichiꞌi kochii wuxiyeete.

2 Saameeli 18:19

Areegaata, Sadooqi bushoo Ahimaazi, “Doono Yeeri bi etteenaꞌo kishoochee biin bi wodiyee woroon woci hamiree, taatoyich getona” iye.

2 Saameeli 20:1

Arooba Bikiri bushoo, Sheebi getteebeeti ikke gaacaalli Biiniyaamee asho arooch beehe. Biyoo tiroon (waaringoon) huggiꞌi ishichiye: “Daawit waanee nooch qoodoo aalloone, Iseyi bushoo waanee nooch danemmi mooyo aalloone; Israꞌeeleenaꞌote, ittoshi kexi kexooch wottebote” iye.

2 Saameeli 20:22

Aroochee ure bi gabiti gaboon yechaꞌa, asheenaꞌo bulli waan hammahan. Boonoshiyoo Bikiri bushoo Sheebichi qettoon kuxxiꞌi, bi qelloon Yoꞌaabich awureheete. Ebina Yoꞌaabi tiroon (waaringoon) huggiye. Boonoshiyoo katemoochee wokkiꞌi shaceheete. Asho bi kexi kexooch wottehe. Yoꞌaabiyoo taatoo waan Yerusaalem wottehe.

1 Taateenaꞌo 2:31

Taatoo biich ishichiꞌi wochiye: “Bi gettitoommon tuniibe; biin wuxiree duuhe. Yoꞌaabi naboo aalloon ukkiti damoon taannaa ta nihoonochi kexoochee wokkiibe.

1 Taateenaꞌo 2:46

Aroochee taatoo, Yoyaadi bushoo Beenayich getaa, biyoo hammiꞌi, Shimeꞌin wuxiye. Ebina taatittino Solomoonichi kishooch manjiye.

Shaahiyoo 17:10

Balle wottoon yexaa tuushoyich bi gimoyee beshoon, ikke wottoon kaaree ciicaa mullechoyich giyiye.

Shaahiyoo 17:12

Tuushe ashoon bi tuushee kaamoona danoyee, bi bushoo bokketi diibeena dano gaawiye.

Shaahiyoo 24:21

Ta bushoocho, Doono Yeerinaa taatoonon shate; boonoshi toommooch hukkee beetinaꞌona bacceyaahine.

Maatiyoosi 21:41

Boonoshiyoo wochiꞌi, “Hini gonde asheenaꞌon guuri ciichemmone; woyinee aafoonoo bi goori gooroona biich deebemmi bare quyechinaꞌoyich immemmone” iyeete.

Maatiyoosi 22:7

Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.

Luqaasi 19:27

Wotta boonoshi toommooch ta taatemmoyich shunaani ta shixechinaꞌon yeshiree taach hach deebote. Ta aafoochaanoo boonoshin guuribote’ iye” iꞌi gettiye.