Shaahiyoo 16:7 - Kafa Linguistics Project

⁷ Asho bi shaaddoona Doono Yeerin emirikkiibeeto bi tunegaata, bi etteenaꞌo diggoona biinna tookki boonoshi beeyemmoyich tuniihe.

Shaahiyoo 16:7 ပူးပေါင်းရင်းမြစ်များ

Halloo 27:41

Bi nihoo Yaaqobin bi diiritoyich, Esayi Yaaqobin shixxiye. Esayi bi mulloona “Ta nihoo and qitiya bedditone. Eefoyee gubb ta manoo Yaaqobin wuxemmo taane” ii gabiye.

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

Halloo 33:4

Esayi Yaaqobina daneya wocciye; qettoona tiqqeꞌi shummiye; eefeenoo iyeete.

2 Kiinoo 17:10

Yihudee showee guudoona beeti taateenaꞌo bulli biin boonoshi shattemmoyich Doono Yeeri tuniitoyich, Yoshafaaxina koyeyaaneenaꞌone.

2 Kiinoo 20:30

Bi Nuggishoo bi guudoona beetinaꞌo waanee biin bi kashiitoyich, Yoshafaaxichi taatittino diggehe.

Iziri 8:36

Taatoochi wochoon Efiraaxisee beqachi woraafooch beeti ukkireenaꞌonaa showee iraasheenaꞌona waan bechiyeete. Boonoshiyoo asheenaꞌonaa Yeerichi kexonon deggiyeete.

Shoddo 69:31

Gattoon woyee qarechi, shanekkechi maaꞌoon deejjoyee beshoon, ebi, Doono Yeerin emirikkiye.

Keyo 3:21

“Ta asheenaꞌo Gibitseenaꞌo waanee naadoon boonoshi danemmoyich tuniyemmo taane. Ebich ittoshi keyiyooba shokke kishoon hamaachemmo ittoshine.

Shaahiyoo 16:8

Dayinnetoon dabiyoona daneebeeti wodde gaannoyee, tate gommona daneebeeti giishecho beshiye.

Shaahiyoo 3:17

Bi gommo emiree gommone; bi kaattoo bulliich diggoo beetone.

Erimiyaasi 15:11

Doono Yeeri ishichiye: “Iberoochaa deꞌe gaboyich neen shiwemmo taane. Iritee aaboobinaa duꞌee aaboobina ne etteenaꞌo neen yiti qollemmoyich tuniyemmo taane.

Erimiyaasi 39:12

“Daamiree gaawichi quyebe; bi qaawiibeeti mooyon biich tuniiballi gonde mooyon tuniyaahine” iye.

Erimiyaasi 42:12

Ta ittoshich ariqqemmo taane; biyoo ittoshich ariqqeree ittoshi hajjee showooch ittoshi beeyemmoyich tuniyemmone’ iye.

Daaneeli 1:9

Yeeriyoo taatee kechi iraashoo Daaneelin gaawe aafoona bi ciinnemmonaa bi ariqqemmonoyich tuniihe.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

Qolaasiyaasi 3:20

Bushiisheenaꞌote, ebi Doono Yeerin emirikkiibeeto bi tunetoyich, bulli mooyona ittoshi nihoonaa ittoshi indeenoyich deꞌa getote.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

1 Pheexiroosi 3:13

Deꞌe shuunoon shuunoyich ittoshi qiiccegaata, ittoshi toommooch gondoon hallemmo konine?

1 Yowannisi 3:22

Tuniibote bi ii beeton no shuunaa beetoyich, biin emirikkii beetonoo no tunii beetoyich, no qollaabeeto bullin bi waanee danaabeeto noone.