Shaahiyoo 16:2 - Kafa Linguistics Project

² Ashich bi gommo bulli xalloo shaahii bekkehe; tunebaani Doono Yeeri mulloon maqqiye.

Shaahiyoo 16:2 ပူးပေါင်းရင်းမြစ်များ

Shoddo 36:2

Bi qelloon wochii dawushii beetone; ebiyoo bi gondoon shalligoonaa shixonon qaawoo bi qajjitoyichiye.

Shaahiyoo 12:15

Tuushoyich bi gommo, bi aafoochaa kaamoone; tunebaani mullecho ciicoon waayehe.

Shaahiyoo 16:25

Ashich kaamoo shaahiibeeti boocho beete; tunebaani ciiroochaa qitooch daammii beetone.

Shaahiyoo 17:3

Aachoonaa birewoonon qaaqqoo haattiye; Doono Yeeri ashi mulloon haattiye.

Shaahiyoo 21:2

Ashich bi gommo bulli kaamoo shaahii bekkehe; tunebaani Doono Yeeri mulloon maqqiye.

Shaahiyoo 24:12

“Ebin ta ariyaache” ne getigaata, mulloon haattiibeeto ebin shalligaachehe? Ne kashoon ciinniibeeti aroo ariyaachehe? Asho bullich bi shuuni shuunoommon qocaachehe?

Shaahiyoo 30:12

Boonoshi qelloon xalloo shaahii ciinnii beetinaꞌo, tunebaani boonoshi eeꞌoochee xalleyaaneenaꞌo beetinaꞌone.

Shaahiyoo 5:21

Doono Yeeri aafoochaa ashi gommo bulli xalla bekketone; biyoo ashi shaaddo bullin ciinnii beetone.

Isiyaasi 26:7

Cadiqeenaꞌochi gommo naqqoone. Kaamoocho, cadiqeenaꞌochi boochoon tachihine.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Daaneeli 5:27

‘TEQEELI’ geto, ‘Machoona qocaa kettoo tunaꞌa daneto neene’ getone.

Haddoo 22:32

Doono Yeerichi maraakoo biich ishichiye: “Ne kureen keejje wottoon ne yexxeto, amoyichiye? Ne gommo ta aafooch kaamoo tuno bi qajjitoyich, gommon hici bajja kecheto taane.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Yaaꞌoo 2:18

“Tiyaxirooni kittinnee guuphi maraakoyich ishichi kooribe: Qaaqqee aaxxoon shaahiibeeti aafecho, qaaqqoona wociitaa shuuneeti gooshoochoommon wacciibeeti baatecho, Yeerichi Bushoo ishichiye:

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Woraaferasheenaꞌo 17:6

Ebi yemeenooba, Israꞌeeleenaꞌoyich taatoo aalloone. Asho bi ikkikkoona gaaweto tuneꞌi biich bekketon tunii beehe.

Woraaferasheenaꞌo 7:6

Ebina boonoshi kishee koppoona aacon oobbii boonoshi noonooch giddiiꞌi boonoshi heciyoona gawuccii uchitinaꞌo keejje balleenaꞌo tuneheete. Tunebaani echetinaꞌo bulli aacon uyoyich guteneheete.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.

1 Saameeli 2:3

Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.