7 Mullecho ariyoon gamichiye; tunebaani mullaallo ebiyoommon tuniyaache.
Ne noonoochee kechimmi geto bullin, ta noonoona awaajjemmo taane.
Cadiqe ashi noonoo ariyoon yibbaatehe; bi heciyoo dayinnetoon yibbaatehe.
Ne, ashoyee beshe malletecho neene; ne noonoochee shaawi yibbaatoo kechiye; ebich Yeeri bulli yemeenoon neen diiritone.
Mullechochi heciyoo ariyoo shunneyemmoyich tuniihe; tunebaani mullaalloochi noonoochee tuushoo kechiye.
Cadiqeenaꞌo kexooch wodde gaanno ceennitone; tunebaani gondeenaꞌo daneebeeti gijjoo boonoshich xuuxoon deebemmone.
Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.
Mullechochi mullo, bi noonoon quyehe; bi noonoochoo ariyoon daakkiye.
Ebiyoo gaawe gabecho ne tunemmonaa ne noonoo ariyoon bi yibbaatemmonoyichiye.
Shalligechi ashi mullo qannoo waan gaꞌehe; tunebaani mullaalli ashi mullo yoochoo waan gaꞌehe.
Ta woꞌeene, ne noonoochee eechi woolloo toollii beetone; ne heciyee dechiich ejjoonaa eeyona beetone; ne tahee cinno Libanoosi cinnoommone.
Qeroochaa ta gettaa beeton bullich xalla kichiree getote; shaashikkoona ittoshi waayeton asheenaꞌo bullich cookiree getote.
Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye.
Daakkiꞌi ishichiye: “Showee toommo bulliich hambote; ta mishiraachoon halleeto bullich getote.
Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.
Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.
Heciyoo qaaqqoommone; heciyoo no ashittinee quumeenaꞌo daggooch beeti gondoyich hajjeeti alemoone; no ashittino bullin eeꞌii beetone; no kashee gommo bullin michii beetone; shiweree qaaqqoochoo miccemmone.