Shaahiyoo 15:27 - Kafa Linguistics Project

²⁷ Tateyaani gommona gaacoon danoyich hiriggiibeeto, bi kechi ashoon xuuxooch geddiye; tunebaani xuccoon shixxiibeeto, kashoona beeyemmone.

Shaahiyoo 15:27 ပူးပေါင်းရင်းမြစ်များ

1 Taateenaꞌo 2:40

Biyoo tiyii bi kurooch koroon haxxiꞌi, bi guuninaꞌon qaawooch Gaat beeti Akiish waan hammiye; bi guuninaꞌonoo Gaatee wochii deebiye.

2 Taateenaꞌo 5:27

Ebich Naꞌimaanichi qeddee shaddee biiyo neenna yeshemmone. Bulli yemeenoon ne yaraa yarooch beshemmone” iye. Ebina Giyaazi qeddee shaddee biiyoona xooppee kecho naccoommon nacceꞌi, Elisayi aafoochee kechiye.

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 23:8

“Xucco kaachii ciinniibeeti ashi aafoon daayii beetone; kaame asheenaꞌochi nalloon xummii beetone; ebich xuccoon maayaahine.

Shaahiyoo 1:19

Bogona gaanneya qiicceebeeti asho bullichi ciiro ebine; ebiyoo bi doonochi kashoon aalliyoone.

Shaahiyoo 11:19

Cadiqittinoona manjimmo kashoona beeyemmone; tunebaani gondoon dabbimmo qitemmone.

Shaahiyoo 11:29

Bi kechi ashoon iritiibeeto, amoonolla woraashaachemmone; tuushe asho mullechoyich maddecho tunemmone.

Shaahiyoo 15:26

Gondeenaꞌochi gaboo Doono Yeer waanaa ciigeetone; tunebaani gaawe yibbaatoo biin emirikkiye.

Shaahiyoo 20:21

Batti batt afaafinoona daneti gaanno, ciiroochaa abbetaalloone.

Shaahiyoo 23:4

Gaannecho tunoyich aajjaahine; ebi gaboon qayoyich mullechon tunebe.

Shaahiyoo 28:16

Gabaalli iraashoo xuꞌechi maaci manjoone; tunebaani tateyaani gommona gaacoon danoon shixxii beetochi eeno genjemmone.

Shaahiyoo 28:25

Hiriggechi asho kaaroon booddiye; tunebaani Doono Yeerin gibeneebeeto gaannemmone.

Shaahiyoo 29:4

Dayinnetoona qeejjoona taatoo showoon tooꞌiihe; tunebaani xuccoon shunniibeeto showoon aalliihe.

Erimiyaasi 17:11

Tateyaani gommona gaannoon kiciibeeti asho, bi gabexeyaanoon guuppaabeeti akkeyoommone; bi eeni gutte daggaa, ebi gaannoon muccemmone; tuushoo bi tuno ciiroochaa xalla bekkemmone.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Yibbaatoo 7:26

Ebi tiyaariiti, boonoshi shahalloon ne kexooch deebaahine. Ebin ne tuniigaata, hidaa aallemminaꞌo boonoshi tunoommon newoo hidaa aallemmo neene. Ebi mooyo Doono Yeerina uppeto bi tunetoyich, newoo oogichi shixe; ciigeshoo gete” iye.

1 Ximootiyoosi 6:10

Ebi gijjee shuno meeti gonde mooyon shuunooch bechemmone; ebiyoommon ikkikkeenaꞌo gijjoon qaatiibee, Kiristoosi toommooch mullee tooꞌiyoon qajjiꞌi shattii giiriiti ayinee daggooch boonoshi hajjee kishoona giyitinaꞌone.

1 Ximootiyoosi 6:9

Tunebaani “Gaannechon tunebone” iꞌi gabii beetinaꞌo gondoochi nihoona dacheeree, bi shaachiti ollooch yeche dihemminaꞌone; yeche boonoshi dihemmi ollo, mulloon muccii beetonaa qaakkiibeeti meeti qaatoonane; ebi qaatoo keyo hakkeyaani aalloochiye bi shakkiyemmo.

Yaasi 6:18

Tunebaani timeeti mooyinaꞌoochee amoonolla ittoshi qellich daamiree, Israꞌeeleenaꞌo toommooch xuuxoonaa aalloonon ittoshi deebaachemmoyich, ittoshi qelloon ariibote!

1 Saameeli 12:3

And ittoshi aafooch neexeto taane. Illa Doono Yeerinaa bi huuttitonochi aafoochaa ta toommooch miixebote; koni gattooniye ta deqqeto? Koni kurooniye ta deqqeto? Koniniye ta dawushito? Wotta koniniye ta xuqqeto? Beeggaabee beegaanoon shaahaꞌa koni waaneeniye xuccoon ta maato? Ebiichee ikkoonolla tuniito ta tunegaata, ittoshich wochemmo taane” iye.