Shaahiyoo 15:18 - Kafa Linguistics Project

¹⁸ Ippechi asho kaaroon booddiye; tunebaani haaꞌiyechi asho kaaroon aqqiihe.

Shaahiyoo 15:18 ပူးပေါင်းရင်းမြစ်များ

2 Saameeli 19:43

Israꞌeeleenaꞌo wochiꞌi ishichiyeete: “Taatoo waanee, ittoshichoyee besho tuneti, aashire kishee qoodoo nooch beetone. Ishigaata, noon ittoshi qallayito amoyichiye? Taatoon wochiꞌi deebichi mooyon shiichaꞌa tiijjito, no toono noone?” iyeete. Tunebaani Yihudee asheenaꞌochi yibbaatoo Israꞌeeleenaꞌochoyee beshe kuppho tunehe.

Shaahiyoo 10:12

Shixo kaaroon tiijjiye; tunebaani shunoo xuꞌo bullin qeriye.

Shaahiyoo 14:29

Haaꞌiyecho goommii deqqiibeeti ashoone; tunebaani kaarecho bi tuushoon bekkiihe.

Shaahiyoo 15:1

Maanjoona wochoo kaaroon aqqiihe; tunebaani kupphe qaaro kaaroon booddiye.

Shaahiyoo 15:19

Yeexere ashi gommo angixona uxereetone; tunebaani kaameenaꞌochi gommo naqqoone.

Shaahiyoo 16:14

Taatoochi kaaro qitee wochee bushoommone; tunebaani mullechi asho ebi kaaroon aqqiihe.

Shaahiyoo 16:28

Xumme asho, ashoonaa ashoonon kaariihe; tippecho shunechonaa shunechonon kuxxiye.

Shaahiyoo 22:24

Kaarechi ashoona xibeyaahine; ippechona tookkishoo hammaahine.

Shaahiyoo 25:15

Haaꞌiyoona ukkiroon eehiyoo hakkeehe; maanjee yibbaatoo shaawushoon tiichiye.

Shaahiyoo 26:21

Cicino qaaqqee gechoon, mixo qaaqqee aaxxoon woddiyoommon, moochecho kaaroon dulliihe.

Shaahiyoo 28:25

Hiriggechi asho kaaroon booddiye; tunebaani Doono Yeerin gibeneebeeto gaannemmone.

Shaahiyoo 29:22

Sheenechi asho kaaroon booddiye; ippechoo wodde axaaxoon shuunehe.

Dojjecho 10:4

Ne ukkiroo neen kaarehooba, ne xaaꞌoon gawukkiyaahine! Cikkaa ne haaꞌiyoo oogeti bi ippoon aqqiihe.

Maatiyoosi 5:9

Shunii beetinaꞌo diireetinaꞌone; ‘Yeerichi bushiisheenaꞌone’ getaa ceekkemminaꞌone.