Shaahiyoo 14:32 - Kafa Linguistics Project

³² Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Shaahiyoo 14:32 ပူးပေါင်းရင်းမြစ်များ

Halloo 49:18

“Doono Yeero, taan ne wodiyemmoyich quyaabeeto taane.

Iyoobi 13:15

Yeeri bi qaawigaata taan wuxibe; illa echesho amoone; tunebaani ta mooyon bi aafoochaa taggemmo taane.

Iyoobi 18:18

Bekkoochee manderooch yookkeyemmone; showee toommoochee yoohaa aallemmone.

Shoddo 16:11

Kashee gommon taach bekkiyemmo neene; ne aafooch ceeni emiroo, ne qannoochoo bulli yemeenee emiroo beetone.

Shoddo 17:15

Tunebaani ta, cadiqittinoona ne aafoon beeggemmo taane; tiyi qaalliree, ne oogee yiiroon beegi michemmo taane.

Shoddo 23:4

Qitoo yiireti bamboona ta hami gaatoona, ne taanna tookkaa ne tunetoyich, gonde mooyoyich shataache; ne gumboonaa ne tugoona taan goggii beetone.

Shoddo 37:37

Oonaalli ashoon ciine; kaame ashoonoo beege; digge ashi shiijjeroo kuxeyaachemmone.

Shoddo 58:9

Angixo qaaqqooch gedaa distoon bi gaamiyoyee shiichiree, boonoshi bullin afaafinoona hidiree aalliibe.

Shoddo 73:24

Ne ciicoona taan yaabihine; ciiroochaa, oogoona taan daammemmo neene.

Shaahiyoo 11:5

Qoonaalli ashich bi cadiqittino bi gommon kaachiye; tunebaani gonde asho bi gondoona dihemmone.

Shaahiyoo 14:33

Shalligoo gabechi ashi mullooch kotehe; tunebaani mullaalleenaꞌochi mullooch aricheyaanoone.

Shaahiyoo 24:16

Cadiqe asho shabaatte wottoon dihiye; wochinnoonoo tiyiye; tunebaani gonde asheenaꞌo gondooch dihemminaꞌone.

Shaahiyoo 5:22

Gonde ashoon bi axaaxoo kambe yechemmone; bi axaaxee woderoonoo gaadeyemmone;

Shaahiyoo 6:15

Ebich aallo diqqoona bi toommooch shaggemmone; diqqoonoo tiishemmone; wodoonoo hakkaachemmoone.

Luqaasi 2:29

“Doono Yeero, aageteenaꞌo bulli aafooch ne qanniiti ne wodiyoon, ta aafoona beeggeto taane. Ebiyoo Aageteenaꞌo bullich iberoon bekkiyemmi bekko, ne maccoo tuneti Israꞌeeleenaꞌoyich oogee yiiroone; taach ne gettetoommon and ne guuno taan diggoona kashiibe” iye.

Yowannisi 8:21

Yesuusi wochinnoon boonoshich “Ta hammemmo taane. Taanoo qaawemmo ittoshine; tunetaa ittoshi axaaxoona qitemmo ittoshine; ta hammaa beetooch hamon hakkaachemmo ittoshine” iye.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Roomi 9:22

Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

2 Qorontoosi 1:9

Iberoon qitee nalloo no toommooch nalleetochoommon nooch waayeetone; tunebaani ebi tuneto, qititon qitoochee tiijjiibeeti Yeerinalli, no qelloon no gibeneyaachemmoyichiye.

2 Qorontoosi 5:8

Gibenaꞌa, hini beeyi kexo tuneti no meenoochee bariꞌi Doono Yesuus Kiristoosina tookkii beemon shunnaabeeto noone.

Filipphisiyoosi 1:23

Ebi gutte mooyona shaammehoye; hamma Kiristoosina tookkiree beeya sharaatehoye; ebiyoo bulliyee beshaa beshe gaawetone.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

2 Ximootiyoosi 4:18

Doono Yesuus Kiristoosi gonde mooyo bulliichee taan echiyemmone; wodiiree shimaajji bi taatittineech taan giijjemmone; bulli yemeenoon oogee yiiroo biich tunebe. Ameena.

Yaaꞌoo 14:13

Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.