Shaahiyoo 14:3 - Kafa Linguistics Project

³ Tuushe ashoon bi yibbaatoo gumboona mutiihe; tunebaani mullechinaꞌon boonoshi yibbaatoo quyehe.

Shaahiyoo 14:3 ပူးပေါင်းရင်းမြစ်များ

Iyoobi 5:21

Neen oonnii beetinaꞌo waanee, Yeeri neen quyemmone; aallo waahooboo shataachemmo neene.

Shoddo 12:3

Maanjoona yibbaateebeeti noonoonaa yebeneebeeti heciyoonon Doono Yeeri kuxe.

Shoddo 31:18

Cadiqo toommooch aafee kupphoona yibbaateebeeti, geecoonaa hoxoona ceenniti, koottiibeeti heciyeenaꞌo tippebeete.

Shoddo 57:4

Boonoshi gasho ginoommonaa shangoommona tuneti, boonoshi heciyoo hacheeti goraadoommo tuneti, ashoon maabeeti daahereenaꞌo daggooch dihito taane.

Shaahiyoo 12:6

Gondeenaꞌochi yibbaatoo ashoon wuxiibeeti olloone; tunebaani kaameenaꞌochi yibbaatoo ashoon wodiihe.

Shaahiyoo 13:3

Bi noonoon quyemmo bi kashoon quyemmone; bi noonoon gawukkimmo aallemmone.

Shaahiyoo 14:4

Gattoo aalli xaaꞌooch maayo aalloone; tunebaani meeti maayo daneebeeto gattee giidoonane.

Shaahiyoo 18:6

Tuushe ashi yibbaatoo kaaroon deebiye; bi noonoo gumboon ataalliye.

Shaahiyoo 18:7

Tuushe ashoon bi yibbaatoo aalliihe; bi noonoo bi kashoyich shaachoone.

Shaahiyoo 21:24

Geecii cunnenneebeeti asho cooqqirecho getteehe; bi shuunoo bulli geecoo baachiye.

Shaahiyoo 22:8

Gondittinoon shookkiibeeto iritoon qeccemmone; bi kaaree gumbo dihemmone.

Shaahiyoo 28:25

Hiriggechi asho kaaroon booddiye; tunebaani Doono Yeerin gibeneebeeto gaannemmone.

Daaneeli 7:20

Wotta bi qellooch beeti aashire qareenaꞌochonaa gubb kaama dicciꞌi bi aafoochee keejje qareenaꞌo waaxemmoyich tuniiti qaroochonon ariyoyich qaawiyo. Ebi qaroyich ashi aafoommi aafoonaa geecoona yibbaateebeeti noonoona beetone; bareenaꞌoyee beshoonoo tuneꞌi bekketone.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.

1 Saameeli 2:3

Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.