Shaahiyoo 14:2 - Kafa Linguistics Project

² Bi shaaddo kaamoo tuneti asho, Doono Yeerin shattiye; tunebaani xumme gommecho Doono Yeerin hoxehe.

Shaahiyoo 14:2 ပူးပေါင်းရင်းမြစ်များ

2 Saameeli 12:9

Ishigaata, amoyich Doono Yeeri ta qaaroon qallayinne? Amoyich ebi gonde mooyon ta aafooch tuniinne? Hitee asho Uuriyi goraadoona bi qitemmoyich tuniihine; Amooneenaꞌo biin goraadoona wuxemmoyich tuniihine; bi mecheenoo daammaꞌa shaaggehine.

1 Taateenaꞌo 3:6

Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.

2 Taateenaꞌo 17:34

Hanaach beddaahaa aafi boonoshi doyoommon tunii beetinaꞌone. Doono Yeerich goyinneyaaneenaꞌone. Israꞌeeli iꞌi Doono Yeeri shigiiti Yaaqobichi yareenaꞌoyich bi gettiti qociyoon, doyoon, sheeroonaa getoonon dabbaaneenaꞌone.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Iyoobi 12:4

“Yeeri ta qolloon waayeti ta, ta nuucheenaꞌona cooneeto taane; kaamoonaa cadiqoona tuneti taan, cooneheete.

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Shoddo 112:1

Haleluya! Doono Yeerin shattiibeeto, bi geteenaꞌona oogichii emiriibeeto, diireetone.

Shoddo 25:21

Neen gibeneto taane; ta deꞌittinoonaa kaamittinoona taan quyebe.

Shaahiyoo 11:12

Bi giyoon hoxeebeeto, mullaalli ashoone; tunebaani gabechi asho minnakanna getaache.

Shaahiyoo 16:17

Kaameenaꞌochi boocho gondoochee wokkitone; tachii shaaddeebeeto bi kashoon wodiihe.

Shaahiyoo 16:6

Shunoonaa gibenoona axaaxoo qereehe; Doono Yeerin shatona asho axaaxoochee wokkiye.

Shaahiyoo 19:1

Bi heciyoon guttiibeeti mullaalli ashoyee, oonneyaani beemon beeti girecho gaawiye.

Shaahiyoo 2:15

boonoshi gommo wuuqqoo, boonoshi shaaddoo xummoone.

Shaahiyoo 28:6

Bi gommo xummoo tuneti gaannechoyee, bi gommo xalloo tuneti girecho beshiye.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Mishiraachechinaꞌo 10:22

Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete.

Mishiraachechinaꞌo 10:35

aagetoo bulliichee koniyoona bi tunetaa, biich hajjee beetonaa tatoon shuuneebeeto bullinon hoxeyaachemmone.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.