Shaahiyoo 14:10 - Kafa Linguistics Project

¹⁰ Ashi ayinoonaa emiroona bi aricheebeeto, biich baachiye; bare asho koniyoona tookkii qoodeyoon hakkaache.

Shaahiyoo 14:10 ပူးပေါင်းရင်းမြစ်များ

Halloo 42:21

Boonoshinaa boonoshinoo “No manoo toommooch no tuniiti xuꞌee naboyich naxeyaaniye no beeto; bi xuuxoon beeggaabee, bi kasheen wodiiya noon bi qolletaa, waayeyaano noone. Ebi iritoo no toommooch bi shaggito, ebichi naboonane” iyeete.

2 Taateenaꞌo 4:27

Aroochee Yeer asho beeti guudi toommooch shaggaa dihiichaa, bi baatoon gaappaa yechahan. Giyaazi biin wokkiiya waahe. Tunebaani Yeer asho biich, “Qaye; bi kashe caammetine. Doono Yeeri ebin taach aachitone. Taachoo getaanoone” iye.

Iyoobi 10:1

“Beemo taan shixxiitone; ebich, xalla kichiree Yeerina taggemmo taane; am shaahoon ta kashe caammeto gaata, biich gettemmo taane.

Iyoobi 21:25

Baroo wotta gaawe mooyon ciroona beegaanoon, caammiti beemon beebee qitiye.

Iyoobi 7:11

“Illa ebich cikki qayaachemmo taane; ta duꞌoochee tiyitona yibbaatemmo taane; ta kashe caammetoyich, guruuxemmo taane.

Iyoobi 9:18

Taan kachaa kashoon tuushiiꞌi, ta kasho caammemmoyich tuniihe.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Shaahiyoo 15:13

Mullee emiroo aafoon biriihe; tunebaani mullee ayinoo qiimittoon wuxiye.

Shaahiyoo 18:14

Kashoona beeya qaatoo, asho bi biiyehooba bi goggemmoyich tuniihe; tunebaani kashoona beeyi qaatoo aallegaata, koniyoona goggeyaache.

Hiziqeeli 3:14

Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.

Yowannisi 12:27

“And ta kashe xuuxetine; ama getote? ‘Ta Nihoocho, hanaach ta toommooch woyemmi xuuxoochee taan wodiibe’ getote? Tunetaa hini hanaachi xuuxoon beegoyichiye ta waato.

Yowannisi 14:18

Nihaalli bushiishoommon ittoshin dufaachemmo taane; ittoshi waan woyemmo taane.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Filipphisiyoosi 4:7

Ittoshi shalligoo bulliyee beshiti Yeerichi diggoo Kiristoos Yesuusina ittoshi mulloonaa ittoshi gaboonon quyemmone.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

1 Saameeli 1:10

Haanniyoo bi kasho caammetoyich oogichaa eeppaabee Doono Yeer waan corootiyan.

1 Saameeli 1:15

Haanniyoo ishichaꞌa biich wochiyan: “Ta doonocho, masheyaane taane. Woyinee uyoon woyee mashiibeeti uyoon uyaane taane. Ta, oogeton ayiniti ure ta tunetoyich, ta iritoon Doono Yeerich shooshaaniye ta beeto.