Shaahiyoo 13:7 - Kafa Linguistics Project

⁷ Gaannecho shaahi bekkeya ii beeto beete; tunebaani amolla biich aalloone; baroo wotta girechon shaahiibeeto beete; tunebaani wodde gaannechone.

Shaahiyoo 13:7 ပူးပေါင်းရင်းမြစ်များ

Shaahiyoo 11:24

Kisheyaanoon immiibeeti asho beete; tunebaani beshoon danehe; wotta gonde woone asho beete; tunebaani girehe.

Shaahiyoo 12:9

Koshon shaaceebee kokkinnii beetoyee, bi qelloon giishiiꞌi bi qellich shuuneebeeto gaawiye.

Shaahiyoo 13:11

Woddii aayaanoon daneti gijjoo kaate aallemmone; tunebaani giishii giishii kiceeti gijjoo woddemmone.

Shaahiyoo 13:8

Gaannecho bi gijjoona bi kashoon biishehe; tunebaani girecho, amoyichona aaxxiyaache.

Luqaasi 12:20

“Tunebaani Yeeri ‘Hini mullaalloocho! Ne kasheen ta kotiitoochee hanaachi xum tiijjemmo taane; hini ne kicitochi, konich tunehe?’ iye.

Luqaasi 12:21

“Bi qellich gijjoon kiciichii Yeeri aafoochaa girecho tuneti asho ebiyoommone” iye.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

1 Qorontoosi 4:8

And michito ittoshine! And gaanneto ittoshine! No taateyaan beetaa, taateto ittoshine! Ittoshi taateto gaata, shunnesho taane; ittoshina tookkiree taatesho noone.

2 Qorontoosi 4:7

Tunebaani ebi ooge hakkoo Yeerichoani, noocho bi tunee qayo bekkemmoyich, nuuqqee qiicoochoommon tunaꞌa no maac ebi oogeton aaxxe mooyon yecheto noone.

2 Qorontoosi 6:10

Ayinikkiti mooyo no toommooch bi shaggitaa, bulli aaboon emiriyone; girecho no tunetaa, meetinaꞌon gaannecho tuniihone; amolla nooch aallo bi tunetaa, bulli mooyo noochone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

2 Pheexiroosi 2:19

Areenaꞌo boonoshi qelloona eeꞌe shuunoyich hajjeeti guuninaꞌo tuneechii, bareenaꞌon “Guuchittinoochee kechemmo ittoshine” iibee gibenikkii beetinaꞌone. Asho, biin hajjiti mooyo amoyicholla guunone.

Yaaꞌoo 2:9

Ne toommooch shaggiti duꞌoon, ne giroonoo ariibeeto taane; tunebaani gaannecho neene. Ayihudo tuneyaanoon ‘Ayihudo noone’ ii beeti, Sheexaanoyichoo maddeebeeti guupho ne shigoon gondiyoon ariibeeto taane.

Yaaꞌoo 3:17

‘Gaannecho taane; bedditi gaanno taach beete; baroo amolla taach qaawiyaache’ ii beeto neene; tunebaani xuuxoona yexxeto, ayinikkito, girecho, wolloo, shokkaachoo ne tunoon ariyaano neene.