Shaahiyoo 12:4 - Kafa Linguistics Project

⁴ Qoppechi maachee bi kenoyich gubbicheene; tunebaani yeelliyaabeeti maachee, shaawushee daggeexi biiyoommine.

Shaahiyoo 12:4 ပူးပေါင်းရင်းမြစ်များ

Shaahiyoo 11:22

Gaawe gabaalli maachechi malleto, gudichi muddooch xogeeti aachoommone.

Shaahiyoo 12:5

Cadiqeenaꞌochi gaboo kaamoone; tunebaani gondeenaꞌochi ciico dawushoone.

Shaahiyoo 14:1

Mullechi maachee bi kexon haggahan; tunebaani mullaalle bi hajjee kishoona happiyan.

Shaahiyoo 14:30

Mullee diggo ashittinoyich iiwittinoon immiye; tunebaani qanaato shaawushoon maabeeti biiyoommone.

Shaahiyoo 18:22

Mecheen daneto gaawe mooyon danete, Doono Yeer waanee gidoon danete, getone.

Shaahiyoo 21:19

Noonechi, kaarechi mecheena tookkii beemoyee, barahooch beemo gaawiye.

Shaahiyoo 21:9

Noonechi mecheena tookkii ikke kexooch beemoyee, kechi toommeexi ikke gocooch beemo gaawiye.

Shaahiyoo 30:23

shicheti maachee kenoon danoonaa, gonnee bi genneen woraashoonane.

Shaahiyoo 31:29

“Gaawe mooyon tuniiti meeti genneenaꞌo beetinaꞌone; tunebaani ne, boonoshi bulliyee beshee neene” gettemmone.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

1 Qorontoosi 11:11

Tunebaani Yeeri maacheen anaamo waanee bi hallitoommon, ebiyoommon anaamo wotta maachee waaneeniye bi shiijjeebeeto; bullinoo hallito Yeerine. Ebich Doonona no beeti beemooch, maachee anaamona, anaamoo maacheena degee beetinaꞌone.

1 Qorontoosi 11:7

Anaamo Yeerichi shaahoonaa bi oogee yiiree malletoonon bekkiyecho bi tunetoyich, bi qelloon kaafo qaawiyaache; tunebaani maachee anaamoyich oogee yiiree malleteene.

Ruuti 3:11

And illa amoyichona aaxxiyaahine. Gaawe ure ne tunoon katemeexi asho bulli arii beetone. Ebich ne echeti mooyo bullin neech tuniyemmo taane.