Shaahiyoo 12:28 - Kafa Linguistics Project

²⁸ Cadiqittinee gommooch kasho beetone; are gommooch qitoo aalloone.

Shaahiyoo 12:28 ပူးပေါင်းရင်းမြစ်များ

Shaahiyoo 10:16

Cadiqoochi shuunee aafo kasho waan biin yaabiye; tunebaani gonde asho daneebeeti gijjoo axaaxooch biin yaabiye.

Shaahiyoo 10:2

Axaaxoona daneti gaanno gaacaalloone; tunebaani cadiqoo qitoochee wodiihe.

Shaahiyoo 11:19

Cadiqittinoona manjimmo kashoona beeyemmone; tunebaani gondoon dabbimmo qitemmone.

Shaahiyoo 8:35

Taan daneto kashoon danehe; Doono Yeeriyoo biin gaawe aafoona ciinnemmone.

Shaahiyoo 9:11

Taanna ne eeno genjemmone; natinaꞌo ne eenooch daakkeyemminaꞌone.

Erimiyaasi 21:8

Andoo asheenaꞌoyich ishichi ta gettemmoyich gettiye: “Doono Yeeri ta, ittoshi aafooch kashee gommonaa qitee gommonon qanniito taane.

Hiziqeeli 18:9

ta qociyoommona bi shaaddegaata, ibere mooyon tuniyoyich ta geteenaꞌon bi quyegaata, aroo cadiqe ashoone; biyoo kashoona beeyemmone, iye Nuggishoo Doono Yeeri.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

Yibbaatoo 30:15

Muusi Israꞌeeleenaꞌoyich ishichiye: “Ebiyoche, hanaach deꞌoonaa gondoonon, kashoona beemonaa qitoonon ne aafooch kotiito taane.

Yibbaatoo 30:19

“Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace.

Yibbaatoo 32:46

boonoshich ishichiye: “Ittoshi toommooch miixoo bi tunemmoyich hanaach ittoshich ta gettaabeeti qaaro bullin manjiiree ittoshi mullooch yeshote. Hini sheeree qaaro bullin ittoshi bushiisheenaꞌo gibeneetinaꞌo tuneree boonoshi quyemmoyich, boonoshich dojjibote.

1 Yowannisi 2:29

Cadiqo bi tunoon ariibeeto ittoshine; ebich cadiqoon shuuneebeeto bulli bi waanee bi shiijjoon ariibote.

1 Yowannisi 3:7

Ta shuni bushiisheenaꞌote! Koniyoona ittoshin bi muriciyaachemmoyich, ittoshi qelloon ariibot! Kiristoosi cadiqo bi tunetoommon cadiqittinoon tuniibeeto cadiqoone.

3 Yowannisi 1:11

Ta shunechocho! Deꞌeenaꞌon shaahiballi gondeenaꞌon shaahiyaahine. Deꞌoon shuuneebeeto Yeer magechone; gondoon shuuneebeeto Yeerin beegaanoone.