Shaahiyoo 12:25 - Kafa Linguistics Project

²⁵ Xuuxeebeeti mullo ayinoon deebiye; tunebaani gaawe qaaro emiroon deebiye.

Shaahiyoo 12:25 ပူးပေါင်းရင်းမြစ်များ

Shoddo 38:6

Goobehoye; kukkaanoo iyoye; heeyo bullin muushenehoye.

Shoddo 42:11

Ta kasheene, ne ayinaabeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon galletemmo taane.

Shaahiyoo 12:18

Diqqoona yibbaateeti yibbaatoo, goraadoochoommon mayiihe; tunebaani mullechi ashi yibbaatoo wodiihe.

Shaahiyoo 12:26

Cadiqo bi nuuchoyich gaawe gommon bekkiihe; tunebaani gondeenaꞌochi gommo, gondooch boonoshin daammiye.

Shaahiyoo 14:10

Ashi ayinoonaa emiroona bi aricheebeeto, biich baachiye; bare asho koniyoona tookkii qoodeyoon hakkaache.

Shaahiyoo 15:13

Mullee emiroo aafoon biriihe; tunebaani mullee ayinoo qiimittoon wuxiye.

Shaahiyoo 15:15

Neexaa hajjeetoyich yemeeno bulli maggoone; tunebaani emiriibeeti mulloyich beemo bulli aabee gifiroommone.

Shaahiyoo 15:23

Tatoona wocheeti wochoo ashoon emirikkiye; qaaweeti goorooch getteeti qaaro am shaahe gaawetone!

Shaahiyoo 15:30

Bire aafo mulloon emirikkiye; mishiraachoo shaawushoon kupphiihe.

Shaahiyoo 16:24

Shaawi yibbaatoo, kookkooch noocciibeeti, ashittinoonoo wodiibeeti, eechi woolloommone.

Shaahiyoo 17:22

Emiriti mullo gaawe attoone; tunebaani ayiniti kasho shaawushoon wuxiye.

Shaahiyoo 18:14

Kashoona beeya qaatoo, asho bi biiyehooba bi goggemmoyich tuniihe; tunebaani kashoona beeyi qaatoo aallegaata, koniyoona goggeyaache.

Shaahiyoo 25:11

Bi gooroona getteeti qaaro, birewee qiicee toommooch shuuneeti muume aachoommone.

Shaahiyoo 27:9

Shittoonaa ixaanoona mulloon emirikkoommon, shunechi ashi ciico kashoon emirikkiye.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Zakaariyaasi 1:13

Doono Yeeriyoo taanna tookkii yibbaateebeeti maraakoyich emirikkiibeeti, goggiyee qaaroona wochiye.