Shaahiyoo 11:23 - Kafa Linguistics Project

²³ Cadiqeenaꞌochi qaatoo, gaawe mooyon daniihe; tunebaani gondeenaꞌochi qaatoo naxoon deebiye.

Shaahiyoo 11:23 ပူးပေါင်းရင်းမြစ်များ

Shoddo 10:17

Doono Yeero, boonoshi qelloon giishiitinaꞌochi qolloon waayehine; ne waamon gaꞌiyaa waayaꞌa boonoshi mulloon kupphiihine.

Shoddo 119:10

Ta ceeni mulloona ne waan wottehoye; ne geteenaꞌoochee ta keyaachemmoyich taan quyebe.

Shoddo 119:5

Ne qociyoon quyoona gibeneeto tunoon, am shaahoon shunnehote.

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shoddo 37:4

Doono Yeerina emiribe; biyoo ne mullee qaatoon neech immemmone.

Shaahiyoo 10:28

Cadiqe ashi gibenee taco emiroone; tunebaani gonde ashi gibeno duube echemmone.

Shaahiyoo 11:24

Kisheyaanoon immiibeeti asho beete; tunebaani beshoon danehe; wotta gonde woone asho beete; tunebaani girehe.

Shaahiyoo 11:7

Gonde asho qitiyooba bi gibeno qitemmone; bi hakkoon gibeneꞌi bi yebeneti yebenoo aallemmone.

Shaahiyoo 12:5

Cadiqeenaꞌochi gaboo kaamoone; tunebaani gondeenaꞌochi ciico dawushoone.

Shaahiyoo 13:2

Asho bi noonoochee kechiibeeti yibbaatoona, gaawe mooyon danemmone; tunebaani dawushechinaꞌo xuꞌoon qaatiyeete.

Isiyaasi 26:9

Ta kashe xumo bullin neen sharaatehane; ta ayaano neen qaawiye; ne dayinneto showee toommooch bi tunehooba, showee toommooch beetinaꞌo cadiqo tunoon doyemminaꞌone.

Erimiyaasi 17:16

Qiddoo tuneꞌi neech maddoochee gubb ikaano taane; xuuxee yemeeno boonoshi toommooch woyemmoyich qaataano taane; ebin ne ariyaabeeto neene; ta noonoochee kechito ne aafooch arichetone.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Hibireena'o 10:27

Echeti mooyo bi beegaata, shattiibeeti Yeerichi nalloonaa Yeerin shixxii beetinaꞌon michi aalliyemmi giidechi qaaqqoonon quyo baachiye.