Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Shaahiyoo 10:22 - Kafa Linguistics Project

22 Doono Yeerichi diiroo gaannechon tuniihe; ayinoonoo arooch daakkaache.

အခန်းကိုကြည့်ပါ။ ကော်ပီ




Shaahiyoo 10:22
31 ပူးပေါင်းရင်းမြစ်များ  

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.


Abraami gijjoon, birewoonaa aachoonon hajjiꞌi oogichii gaannetone.


‘Abraamin taane gaanniito’ ne getaachemmoyich, ta naayinaꞌo maatonaa taanna tookkii hammitinaꞌochi qoodoonoyee besh, neecho tuneti woshiqoon woyee caammee cuyoon woyee neecho tuneti mooyo amoonolla deꞌaache. Aneeri, Eshikoolinaa Mamirina baach boonoshi qoodoon deꞌeete” iye.


Doono Yeeriyoo ta doonon oogeton diiritone; oogeti gaannoon biich immitone. Meeti bagoonaa emmishoonon, miimon, gaaleenaa kuroonon, birewoonaa aachoonon, guunonaa gonneenonoo immitone.


Yisaaqiyoo are showooch beebee, maayoon shookkiye. Doono Yeeri biin bi diiritoyich, aroobee natooba balle kishoon danehe.


Oogeton bi gaannemmi wottoon, gaanno biich daakkee daakkee hammiye.


Newoo biich ‘Doono Yeeri ishichiye: “Wuxaachaa bi showoon woraashinne?” itone’ gete; wotta daakkiree biich, ‘Doono Yeeri ishichiye: “Kunaaneenaꞌo Nabootichi damoon nappheti xaaꞌoochaa ne damoon ebiyoommon napphemminaꞌone” itone’ gete” iye.


Yaabeetsiyoo, “Taan diiribe; ta showoon gamichibe; taanna tookki tunebe; qaakkemmi gonde mooyoocheenoo taan quyebe” iꞌi Israꞌeelee Nuggishoo Yeer waan corootiye. Yeeriyoo bi qolleton biich immiye.


Amasiyaasiyoo Yeer ashoyich, “Israꞌeelee ginee naayinaꞌoyich ta immeti ebi shaahe gijjochi aabicheeba?” iye. Yeer ashoo, “Doono Yeeri ebiyee beshoon neech imon hakkiye” iꞌi wochiye.


Hiziqiyaasich wodde gaannoonaa oogoona beetone. Birewoonaa aachoonon, aaxxe xaqqoonaa qimaamoonon, gaachoonaa aaxxe qiico bullinon bi kotiyemmi qiicee kexinaꞌon shuunehe.


Doono Yeeri wodde gaannoon, miimon, bagoonaa emmishoon biich bi immitoyich, meeti katemeenaꞌon shuunehe.


Boonoshin diiriye; oogichiꞌinoo meettiyeete; boonoshi gijjeenaꞌo meettemoyichoo tuniihe.


Maaddii timonaa yagiꞌi tokketoona manjeyemmi koshoyich aayo gaacaalloone; Doono Yeeri bi shunnii beetinaꞌoyich, tokketooch boonoshi beetaa qanniihe.


Doono Yeeri diiritinaꞌo showoon woraashemminaꞌone; tunebaani bi uppitinaꞌo aallemminaꞌone.


Mullechinaꞌoyich gubbichoo, boonoshi gaannoone; tunebaani tuusheenaꞌo boonoshi tuushoona aricheheete.


Batti batt afaafinoona daneti gaanno, ciiroochaa abbetaalloone.


Hiriggecho gaanneya afaafinehe; giroo biin yechemmo bi tunoon ariyaache.


Taan shunnii beetinaꞌoyich, gaannoon immemmi taane; boonoshi ginjabeetoonoo ceechemmi taane.


Aashire qemo ciiretoyee gubb, taatoochi maayoon maati bare gurimaasheenaꞌoyee beshoon aangii nuuriꞌi bekkeheete.


Beshe Mawe Doono Yeeri ishichiye: ‘Ufon deejjemmo taane; ebi ufoo gaayo kexonaa ta shigoona kootoon wogeebeeto kexonooch giyemmone; aroochoo beeyemmone. Bi mixonaa xaqqoonon echiyaanoon kexon aalliyemmone’ itone” iye.


Ebich and Doono Yeero, taach ne immeti showooch shaggiti maayoochee cilloon neech deebeto taane’ gettemmo neene. Mokkoon ne Nuggishoo Doono Yeeri aafooch kotiichi, aroochaa biich goyinnebe.


Doono Yeeri neech imma ne qaabbechinaꞌoyich wogeꞌi bi gibenikkiti showoochaa meeti bushiishoon, meeti gijjeenaꞌonaa meeti maayoonon imiree neen gaanniyemmone.


Tunebaani timeeti mooyinaꞌoochee amoonolla ittoshi qellich daamiree, Israꞌeeleenaꞌo toommooch xuuxoonaa aalloonon ittoshi deebaachemmoyich, ittoshi qelloon ariibote!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ