Shaahiyoo 10:17 - Kafa Linguistics Project

¹⁷ Kaaree ciicaa deqqimmo kashee gommona hammemmone; tunebaani sheeraa deꞌa getaache immo muriccemmone.

Shaahiyoo 10:17 ပူးပေါင်းရင်းမြစ်များ

2 Kiinoo 25:16

Tunebaani getooch bi beetaa taatoo, “Neen taatoochi mikkirecho tuniyaꞌa ukkiriito noone? Cikkibe; qitiya ne qaawaabeeto amoyichiye?” iye. Keemechoo cikkiye; aroochee, “Ebin ne tuniitoyich, ta ciicoonoo waayo ne qajjetoyich, Doono Yeeri neen aalliiya bi maacon and ariite” iye.

Shaahiyoo 1:30

ta ciicoon deꞌo boonoshi qajjitoyich, ta sheeroon boonoshi hoxetoyich,

Shaahiyoo 12:1

Kaaree ciicaa shuno, ariyoon shunone; sheeroon shixo mullaallo tunoone.

Shaahiyoo 15:10

Kaame gommoochee kechimmo oogeton sheereyemmone; sheeroon shixxii beetoo qitemmone.

Shaahiyoo 15:32

Sheeroon shixxiibeeto bi qelloon giishiihe; tunebaani sheeroon deqqiibeeto shalligoon danehe.

Shaahiyoo 29:1

Meeti aaboon getaa giyaani gajjechi asho, diqqoona tiishemmone; wodoonoo hakkaachemmone.

Shaahiyoo 3:18

Biin yechitinaꞌoyich kashoon immaabeeti mixiyoommone; biin tugetinaꞌo bulli diireyemminaꞌone.

Shaahiyoo 4:13

Neech ta dojjiton kashoona yeshe; gawukkiyaahine; gaawichi quyebe; ebi aroo neech kashoone.

Shaahiyoo 4:4

ta nihoo ishichiꞌi taan dojjiye: “Ne mullo ta qaaroon yeshe; ta getoonoo quyebe; kashoona beeyemmo neene.

Shaahiyoo 5:12

Ishichishoo gettemmo neene: “Aabichaꞌa sheeroon shixxehote? Ta mullo aabichiꞌi kaaree ciicon hoxehe?

Shaahiyoo 5:14

Ebich iitoo kiceetoochaa waacha aallehote” gettemmo neene.

Shaahiyoo 6:23

Geto ceechoone; doyoo bekkoone; kaaree sheeroo kashee gommone.

Dojjecho 5:6

Ne yibbaatoo neen axaaxooch bi bechemmoyich tuniyaahine! Qeeshoyich “Ta mookketo muriccaꞌaniye” gettaahine! Yeeri ebi ne yibbaatoona kaareree ne shuunoon aalliyemmone.

Luqaasi 11:28

Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.

Woraaferasheenaꞌo 19:17

Ebi geene uro katemee daggeexi addibaabooch beeti gommechon ciinniꞌi, “Amoocheeniye ne waato? Amoochiye ne hammaabeeto?” iꞌi echehe.