Shaahiyoo 1:4 - Kafa Linguistics Project

⁴ Ariyaaneenaꞌon accechinaꞌo, gurimaasheenaꞌon ariyechinaꞌonaa mullechinaꞌonon tuniiheete.

Shaahiyoo 1:4 ပူးပေါင်းရင်းမြစ်များ

Shoddo 116:6

Diqqeenaꞌon Doono Yeeri quyehe; oogichaa ta iriteehooba taan wodiitone.

Shoddo 119:130

Ne qaaroon doyoo bekkoon immiye; tuusheenaꞌon shalligechinaꞌo tuniihe.

Shoddo 119:9

Gurimaashoo xallittinoona beemon bi hakkemmo aabichireeshiye? Ne qaaroon quyoonane.

Shoddo 19:7

Doono Yeerichi sheeroo ceenoone; kashoon andiriihe; Doono Yeerichi sheeroo gibeneetone; tuushoon ariyecho tuniihe.

Shoddo 34:11

Ta bushiisheenaꞌote, waaree ta waanee ellebote; Doono Yeerin shaton ittoshich dojjemmo taane.

Shaahiyoo 3:21

Ta bushoocho, gaawe shalligoonaa gaawe gaboonon kupphii yeshe; eboshi ne aafoochee wokkaayeete.

Shaahiyoo 8:12

“Shalligee ta, acona koteti taane; ariyoonaa gaawe gaboonon daneti taane.

Shaahiyoo 8:17

Taan shunnii beetinaꞌon shunnehoye; kupphiiꞌi taan qaawii beetinaꞌo taan danemminaꞌone.

Shaahiyoo 8:32

“Ta bushiisheenaꞌote, andoo ta waanee ellebote; ta gommon dabbii beetinaꞌo diireetinaꞌone.

Shaahiyoo 8:5

Hini tuusheenaꞌote, acon doyibote; mullaalleenaꞌote, mullechon tunebote.

Dojjecho 11:9

Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Yibbaatoo 4:6

Ebi ittoshich ta dojjiton manjiiꞌi ittoshi quyegaata, oogeti shalligechi asho ittoshi tunoon aagetee asheenaꞌoyich bekkiyemmo ittoshine. Ebi qociyoon boonoshi waayegaata, ‘Iberoon meetonaa arichetona tuneti ebi asheenaꞌo shalligechinaꞌonaa yiiteenaꞌona tuneti asheenaꞌone’ gettemminaꞌone.

2 Ximootiyoosi 2:22

Ebich gonde gurimaashittinee qaatoochee wohe; xalle mulloona Doono Yeerin qollee beetinaꞌona tookkiree cadiqoon, Kiristoosi toommooch mullee tooꞌiyoon, maneenaꞌon shunon, asho bullina tookkii diggoona beemonoo kupphiiree dabbibe.

Titoosi 2:6

Gurimaashe anaaminaꞌo ebiyoommon boonoshi qellee ariyechinaꞌo boonoshi tunemmoyich ciice.