Shaahiyoo 1:23 - Kafa Linguistics Project

²³ Ta ciicoon waayebe; ta ayaanoon ittoshich ukkemmi taane; ta qaaroonoo ittoshi ariyemmoyich tuniyemmi taane.

Shaahiyoo 1:23 ပူးပေါင်းရင်းမြစ်များ

Shoddo 145:1

Ta Nuggishoo ta Taatoocho, neen oogiihoye; ne shigoon bulli yemeenoon galletehoye.

Shaahiyoo 1:25

ta ciico bullin ittoshi qallayitoyich, ta sheeroon deꞌo ittoshi qajjitoyich,

Shaahiyoo 1:30

ta ciicoon deꞌo boonoshi qajjitoyich, ta sheeroon boonoshi hoxetoyich,

Shaahiyoo 10:17

Kaaree ciicaa deqqimmo kashee gommona hammemmone; tunebaani sheeraa deꞌa getaache immo muriccemmone.

Shaahiyoo 12:1

Kaaree ciicaa shuno, ariyoon shunone; sheeroon shixo mullaallo tunoone.

Shaahiyoo 29:1

Meeti aaboon getaa giyaani gajjechi asho, diqqoona tiishemmone; wodoonoo hakkaachemmone.

Shaahiyoo 6:23

Geto ceechoone; doyoo bekkoone; kaaree sheeroo kashee gommone.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 45:8

“Shimaayeenaꞌote, cadiqoon dambee kindiibote; gumeenaꞌo amiyochoommon dichibeete; showoo qecheebe; wodoonaa cadiqoona collebe; Doono Yeeri ta ebin hallito taane.

Erimiyaasi 3:14

“ ‘Hini gibeneyaani bushiisheenaꞌote, ta ittoshi Doono ta tunetoyich ta waan wottebote; ikke katemoochee ikkoon, ikke yaroochee guttoon Tsiyooni guudooch deebemmo taane’ iye Doono Yeeri.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Yoꞌeeli 2:27

Israꞌeelee asho ittoshi daggooch ta beemon, Doono Yeeri ta, ittoshi Nuggishoo ta tunoon, tayee bare nuggishoo aallo bi tunoon, ariyemmo ittoshine. Ta asheenaꞌo ciroona wochinnoon yeelleyaachemminaꞌone” iye.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Yoꞌeeli 3:1

Doono Yeeri ishichiye: “Aroobee aaboonaa yemeenoonooch, Yihudee showoonaa Yerusaaleminochi kecoon wochemmo taane.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Luqaasi 11:13

Gondo ittoshi tunetaanoona, ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich Yaafe Ayaanoon am shaahoon beshaa beshiiree immehe!” iye.

Yowannisi 7:39

Ishin bi gettito, boonoshi mulloon bi toommooch tooꞌiitinaꞌo boonoshi danemmi Yaafe Ayaaneechoniye; Yaafe Ayaano batt kindaan beetone; ebiyoo Yesuusi oogoyich batt shimaajj keyaan beeto bi tunetoyichiye.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.