Shaahiyoo 1:12 - Kafa Linguistics Project

¹² maasho ashoon qooxoommon, kashoona boonoshi beetaa, boonoshin qooxone; oppooch boonoshi giyemmoyich tuniibone.

Shaahiyoo 1:12 ပူးပေါင်းရင်းမြစ်များ

Shoddo 124:3

boonoshi kaaro no toommooch bi aaxxehooba kashoona no beetaa noon qooxxeshinaꞌone;

Shoddo 143:7

Doono Yeero, ta qolloon kaateree waayebe; ta qiimitto miccitone; ne aafoon ta waanee badd wochiyaahine; ne wochigaata, maash hammii beetinaꞌon shaahemmo taane.

Shoddo 28:1

Doono Yeero, ne waan cookiyoye; ta Deebe Xaqqoocho, ta cookoon waayebe; cikkii ne qayigaata, maash hammii beetinaꞌoommon tunemmo taane.

Shoddo 35:25

“No mullee qaatoo ceennite” getiree boonoshi gabemmoyich, “Biin aalliitone” boonoshi gettemmoyich, tuniyaahine.

Shoddo 5:9

Boonoshi noonooch iberoo aalloone; boonoshi gaboo aalliyoo baachiye; boonoshi qettoo qecheeti maashee oppoommone; boonoshi heciyoona dawushiyeete.

Shoddo 57:3

Biyoo shimaayoochee wodoon taach deejjemmone; taan neexxii beetinaꞌon cooniyemmone; Yeeri, bi shoodoonaa bi gibeneyoonon deejjemmone.

Shaahiyoo 1:13

Aaxxe baribare wodde qiicoon danemmo noone; no boggeti qiicoona no kexon ceechemmo noone;

Erimiyaasi 51:34

Tsiyoon beetinaꞌo: “Baabloonee taatoo Nabukadinatsori noon maahe; noon yiikkehe; shokkaache qiicoommon noon tuniihe; dareboochoommon noon qooxxiye; shaawi no maayoona bi eriboon ceechiye; aroocheenoo noon maach aapphiye. No toommooch, no xibeenaꞌo toommoochoo tuneti xuꞌo Baablooni toommooch tunebe” gettemminaꞌone. Yerusaalemi beetinaꞌo: “No damoo Kalidee asheenaꞌo toommooch tunebe” gettemminaꞌone.

Shoosho 2:16

Ittoshi etteenaꞌo bulli ittoshi toommooch noonoo keexeheete; shokkeebee boonoshi gashoonoo shaacciibee, “Boonoshin aalliito noone; no qaatiibee echeti aabo hinine; and aroon danaa beeggeto noone” iyeete.

Shoosho 2:5

Doono ettoon tunehe; Israꞌeeleenaꞌon aalliihe; bi taatee kexo bullin aalliihe; bi mishigeenaꞌon happiye; Yihudee asheenaꞌoyich, eefonaa shooshoonon woddiihe.

Haddoo 26:10

showee haawuttaꞌa Qoraahina tookkaa boonoshin qooxxahan. Qoraahichi dabbeenaꞌo qitiyooba gutte ballaa aache asheenaꞌon qaaqqoo maahe. Ebina boonoshiyoo bare asheenaꞌoyich cuuꞌiyoon tuneheete.

Roomi 3:13

Boonoshi noonoochee kechiibeeto ashi kashoon kichiibeeti qaaroone; boonoshi heciyoona dawushiyeete; xekeree qoppaa wuxoommon, boonoshi heciyoona qoppiyeete.