Ruuti 3:7 - Kafa Linguistics Project

⁷ Boꞌaaziyoo maa uchii bi ashittinooch gaawetaa, hammii bushaa kiceeti sheqee gaꞌooch tokketehe. Ruutiyoo nibbaa xepphaabee waa Boꞌaazi qoreddoon baataa gaxxaꞌa giyaa tokketehan.

Ruuti 3:7 ပူးပေါင်းရင်းမြစ်များ

Halloo 43:34

Yooseefi bi madeexi maayoochee boonoshi qoodi qoodoo ichemmoyich gettiye. Ebiyooba Biiniyaamich icheto, bareenaꞌo bullichoyee uuche kishoon beshoone. Boonoshiyoo boonoshi qettee wottoon maa uchiyeete. Ebiyoommi gommona Yooseefina tookkii emiriyeete.

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

1 Taateenaꞌo 21:7

Bi mechee Elizabeeli biich, “Ebi neene, Israꞌeelee showoon qeejjemmo? Tiyiree maayoon mame; ne mulloo emiribe; Yezireelee asho Nabootichi woyinee budon ta, neech immemmi taane” iyan.

Asteeri 1:10

Taatoo gifiroon bi gedditi shabaattinnee qemooba, woyinee uyoon uchii bi ashittino qeeccimmona, guruusheenaꞌo tuneti shabaatte bi aafee bushiisheenaꞌo, Mehuumaani, Biziti, Haribooni, Bigiti, Abagiti, Zetaarinaa Karikaasinoyich ishichiye:

Shoddo 104:15

Ashi mulloon emirikkiibeeti woyinoon, achoon pherphelliibeeti huutoon, kupphiibeeti maayoon qanniihe.

Dojjecho 10:19

Gifiroo asho miiccemmoyich tuniihe; woyinee uyoo ashoon emirikkiye. Gijjoo beegaata bulli mooyo beetone.

Dojjecho 2:24

Ashich mamonaa uyonoyee, bi shuuneti shuunoona emiroonoyee besh, gaawe mooyo aalloone. Ebiyoo Yeer waanee bi ichoon beeggeho.

Dojjecho 8:15

Ashich hini showee toommoochaa mamo, uyonaa emiroonoyee beshe mooyo aallo bi tunetoyich, ebina emiribe iyoye. Ebich Yeeri biich immiti bi kashee yemeeno bulliich bi shuunoona emiroommone.

Dojjecho 9:7

Ebich and illa, ne maayoon emiroona mame; ne woyinee uyoonoo emiroona uye; ebiyoo Yeeri ne tuniyemmoyich bi qaawiti mooyone.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Woraaferasheenaꞌo 16:25

Oogichii boonoshi emiriti saatooch “Eke Samsoonin hami ittoshi deebaa, no aafooch kaaye” iyeete. Samsoonin cuyee kexoochee bi woyemmoyich tuniiheete; boonoshi aafoochoo kaachiye. Biinoo kechi wogaagireenaꞌochi gutte daggooch neechiyeete.

Woraaferasheenaꞌo 19:22

Emiree toommooch boonoshi beetaa, are katemeexi, ikkikke gaacaalli asheenaꞌo kexon giichiyeete. Kelloonoo xoobbiibee kechi doono tuneti geene uroon “Biinna tookki shunoon no maayemmoyich, ne kexooch giyiti uroon maach nooch kichibe” iyeete.

Woraaferasheenaꞌo 19:6

Ebina ebi gutte asheenaꞌo tookkii koteꞌi maa uchiyeete. Busheechi nihoo uroon “Hanaachi xumoon hiniich kashe emiribee qebe” iꞌi qollehe.

Woraaferasheenaꞌo 19:9

Uro bi naamacheenaa bi naayona tookkii hamma tiyimmona busheechi nihoo “Showoo womikketone; hiniich qebote; and showoo xum bedditone. Hiniich kashe emiribee qebote; yaach maaddee yaaꞌoona tiyiree ittoshi kexooch hammemmo ittoshine” iye.

Ruuti 3:6

Ebina Ruuti sheqoo bucheebeeti xaaꞌooch hammaꞌa, bi amaatee biich getteto bullin tuniihan.

Ruuti 3:8

Xumee gutte qellimi bedooch Boꞌaazi diqqoona tokketoochee beribenniꞌi bi tiyaahaa, ebiyoche, ikke ure bi baata qeyaꞌa beetine.