Ruuti 2:10 - Kafa Linguistics Project

¹⁰ Ruuti baroona showooch guufaa Boꞌaazich goyinnaꞌa, “Hini shiqqe, ashi showee ashe ta, ne aafoochaa ebi shaahe gidoon aabichaꞌa danehote?” iyan.

Ruuti 2:10 ပူးပေါင်းရင်းမြစ်များ

Halloo 18:2

Abrahamiyoo kaama ciinniꞌi, keejje asheenaꞌo bi ciinooch neexee beetinaꞌon beeggiye. Boonoshin beeggiꞌi, bi duukkaanoochee boonoshi beetooch wocona hammiye; showooch guufeꞌi boonoshin diggiihe.

2 Saameeli 19:28

Ta nihinihoochi kechi asheenaꞌo bulli taatoo ta doono ne aafoochee wuxaa aalli bedeenaꞌone; tunebaani ne guuno taan ne madoochee maa beetinaꞌo daggooch tuniihine. Ebiyee besho taach bi tunemmon taatoon echoyich beddeti asho toono taane” iye.

2 Saameeli 7:18

Aroochee taatoo Daawiti danee duukkaanooch giyiye. Doono Yeeri aafooch koteechii ishichiye: “Nuggishoo Doono Yeero, ebiich taan ne bechiti ta, halla koni taane? Ta kechi ashochi, konine?

2 Saameeli 9:8

Mefibosheti wochinnoon baroona showooch guufeechii ishichiye: “Ebi qititi kunaanoommi ta waan ne ciinnemmoyich, ne guuno ta, koni taane?” iye.

Leweenaꞌo 19:34

Ebi shiqqoon showee bushoon shaahiiree ciinote. Ittoshin ittoshi shunoommon, biin shunote. Gibits shiqqoo tuneꞌi ittoshi kotoon batteyaahote. Ta, ittoshi Nuggishoo Doono Yeeri taane.

Maatiyoosi 25:35

Ta shaacetaa, maanjito ittoshine; ta shachewetaa, uchito ittoshine; dallaawaꞌa ta waataa, iibbiito ittoshine;

Roomi 12:10

Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

Ruuti 2:11

Boꞌaaziyoo ishichiye: “Ne keno qitiichaa, ne amaatech ne tuniiti mooyo bullin waayeto taane. Wotta ne nihoonaa ne indeenon, ne shiijjee showoonoo qajjaꞌa, ebiyee aaf ne ariyaani ashi daggooch beeya ne womon waayeto taane.

Ruuti 2:13

Ruutiyoo ishichiyan: “Ta doonocho, ne gonneenaꞌo daggoochee ikkeyeenolla bedaani taan gaawe ne yibbaatoona goggiito neene. Ebi ne deꞌittinoon ta waanee wokkiyaahine” iyan.

Ruuti 2:19

Naꞌoomiyoo Ruutin “Ebi bullin amoochee buttenne? Konichi budoochiye buttaabee ne heecheto? Ebi gaawe mooyon neech tuniiti uroon Yeeri diiribe” iyan. Ruutiyoo wochaꞌa Naꞌoomich, “Boꞌaazi getteebeeti uroochi budoochiye buttaabee ta heecheto” iyan.

Ruuti 2:2

Ikke areddoon Moꞌabechee Ruuti Naꞌoomin “Eke maayo qecceebeeti xaaꞌooch hamiree, gaawe aafoona taan ciinnimmi ashi budoochee maayoon buttebone” iyan. Naꞌoomiyoo “Ta busheene, hambe” iyan.

1 Saameeli 25:23

Abigeliyoo Daawitin beeggaꞌa afaafinoona kuroochee kindiyan; showooch dihiꞌanoo biich goyinnehan.