Ruuti 1:6 - Kafa Linguistics Project

⁶ Naꞌoomi Moꞌabee showooch beechaa, Doono Yeeri bi asheenaꞌon maayoon immiꞌi diirito bi tunoon waayahan; ebich Israꞌeelee showooch wotteree hamma bi gutte naamecheenaꞌona tookkaa tiyahan.

Ruuti 1:6 ပူးပေါင်းရင်းမြစ်များ

Halloo 21:1

Doono Yeeri Abrahamich bi gettitoommon, Saarin diiriye. Doono Yeeri bi gibenikkitoommon, Saarich tuniihe.

Halloo 28:20

Arooba Yaaqobi ishichii mookkehe: “Yeero, taanna tookkaa ne tunegaata, ta hammaabeeti gommooch taan ne quyegaata, ta maayemmi maayoon, ta tahemmi tahoonoo taach ne imigaata,

Halloo 48:15

Aroyee gubb Yaaqobi Yooseefin ishichii diiriye: “Ta nihinihoo Abrahaminaa ta nihoo Yisaaqina boonoshi shaaddo bullin bi aafooch boonoshi tuniiti Nuggishoo, hanaach beddaahaa, ta yemeeno bullin taan quyeti Nuggishoo,

Halloo 50:25

Yooseefiyoo Israꞌeelichi bushiishoyich “Yeeri ittoshin gaacheya bi waahooba, ta shaawushoon hiniichee tiijjiree ittoshina tookki daambote” iꞌi boonoshin wogiihe.

Shoddo 102:14

Ebiyoo bi xaqqeenaꞌo ne guuninaꞌona shuchetinaꞌo, bi butteenaꞌoo boonoshich aaxxeenaꞌo, boonoshi tunetoyichiye.

Shoddo 111:5

Biin shattii beetinaꞌoyich maayoon immiye; bi giyiti wogoon ciroona batteyaache.

Shoddo 132:15

Beshaa beshe mooyona biin diiremmo taane; girechi bi asheenaꞌonoo kosho michiyemmo taane.

Shoddo 145:15

Bullichi aafoo ne waan ciinniye; newoo goori gooroona maayoon boonoshich immehine.

Shoddo 146:7

Xukketinaꞌoyich nalliibeeto, shaacetinaꞌoyichoo maayoon immiibeeto, biine. Doono Yeeri qoppeenaꞌon biichiye.

Shoddo 147:14

Ne showee daaroon diggiihe; gaawe teepphoona neen michiihe.

Keyo 3:16

“Hamiree Israꞌeelee ukkireenaꞌon kicibe; ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri taach bekkeꞌi ishichitone: “Ittoshi mooyon ciinneto taane; Gibitsaa ittoshi toommooch shaggiton beeggeto taane.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Shaahiyoo 30:8

Koote mooyonaa koote yibbaatoonon ta waanee wokkiibe; girechon woyee gaannechon taan tuniyaahine; tunebaani taach qaawiibeeti maayoon taach imbe.

Isiyaasi 55:10

Amiyonaa baderoona shimaayoochee dihiꞌi, showoon shuxiyoona maayo aafemmoyich bi tuniyoommon, wotta shookkechoyich yaroon, maa beetoyich maayoon imaanoon, shimaayooch wotteyaano bi tunoommon,

Erimiyaasi 29:10

Doono Yeeri ishichiye: “Baabloonee showooch ittoshi koteti shabe nato ceeniyooba ittoshin guudi beeggemmo taane; ta qaaroon ceechoona hini showooch ittoshin wochemmo taane.

Yoꞌeeli 2:19

Boonoshichoo ishichiye: “Maayoon, woyinee uyoonaa zayitoonon ittoshich immemmo taane; ittoshiyoo michemmo ittoshine. Ebiyee bekk, aageteenaꞌo daggoochaa, ittoshi cooneyemmoyich tuniyaachemmo taane.

Sofoniyaasi 2:7

Curo tuneꞌi echeti Yihudee asheenaꞌo ittoshi showoon hajjemminaꞌone; boonoshi bagoonoo arooch quyemminaꞌone; Ashiqeloona beeti kexooch giyiree arooch qeyemminaꞌone. Boonoshi Nuggishoo Doono Yeeri boonoshina tookki tunemmone; beemon boonoshich mashaamiyemmone.

Maatiyoosi 6:11

Heeyi koshon hanaach nooch imbe.

Luqaasi 1:68

“Israꞌeelee Nuggishoo Doono Yeeri galleteebe! Wonna yaafeeti keemechinaꞌochi noonoona bi gettitoommon, bi aagetoon wodiyoyich waaꞌi boonoshi qoodoon qocciichii biishetone; biich maddeebeeti Daawiti yaroochee giidechi wodiyechon nooch tiijjitone.

Luqaasi 19:44

Hini katemeexi asho ittoshinoo, ittoshi bushiishoonoo showoo maanjjemminaꞌone; xaqqo xaqqee toommooch keddeeree bi echemmoyich tuniyachemminaꞌone. Ebiyoo, Yeeri ittoshin wodiiya bi waati aaboon shalligoo ittoshi qajjitoyichiye” iye.

1 Ximootiyoosi 6:8

Ebich tahoonaa maayoona nooch beegaata, ebi nooch beddiye.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

Ruuti 1:5

gutte maneenaꞌo Mahilooninaa Kiliyoonina qitiyeete. Naꞌoomi bi kenoonaa bi gutte bushiishoonon muccaꞌa bi ikkeeti echahan.

Ruuti 1:7

Bi beeti xaaꞌoochee tiyaa boonoshina tookkaa Yihudee showooch qaxiriyan.

1 Saameeli 2:21

Doono Yeeriyoo Haannin diiriye. Biyoo xifahan. Bare keejje anaami bushiishoonaa gutte maache bushiishoonon shiyahan. Bushoo Saameeliyoo Doono Yeerich maddeebee dicciye.