Ruuti 1:1 - Kafa Linguistics Project

^1-2 Wonna, Israꞌeelee showooch taatoo taatoyee shiichiꞌi, woraaferashoo qeejjiibeeti yemeenooba, ebi showooch shaacoo giyiye. Ebich Efiraati yaroo tuneti ikke uro bi mecheenaa bi bushiishoonon yechiꞌi, Yihudee showeexi Beetilehemi katemoochee tiyii, giisheche yemeenoon koteya Moꞌabee showooch hammiye. Uroochi shigo Elimeleeki, bi mechee shigo Naꞌoomi, bi gutte bushiisheenaꞌochi shigo wotta Mahilooninaa Kiliyoonina getteehe. Boonoshiyoo hammiꞌi Moꞌabee showooch koteheete.

Ruuti 1:1 ပူးပေါင်းရင်းမြစ်များ

Halloo 12:10

Arooba Kanaanee showooch shaacoo giyiye. Giidechi shaacoo giyitoyich, Abraami ebi shaacoo beshemmi wottoon koteya desh, Gibits hammiye.

Halloo 26:1

Abrahami yemeenooba bi tunetoommon shaacoo are showoo bulliich giyiye. Ebich Yisaaqi tiyiꞌi, Filsixeemee taatoo Abimeleek waan, Geraaree showooch hammiye.

Halloo 43:1

Giidechi shaacoo andoo Kanaanee showooch beehe.

2 Saameeli 21:1

Daawitichi taatee yemeenooch kuxaanoon keejje nati wottoon, giidechi shaacoo tunehe. Ebich Daawiti Doono Yeer waan corootiye. Doono Yeeriyoo “Saaꞌooli Gibeꞌoonee asheenaꞌon bi wuxitoyich, biinnaa bi kechi asheenaꞌonochi kishooch ashi damoo beetone” iye.

1 Taateenaꞌo 18:2

Ebich Eliyaasi Akaabich bekkeya hammiye. Ebiyooba Shamaaree showoo oogichii shaacetone.

1 Kiinoo 2:51

Bi guttinnee bushoo Beetilehemi katemoon shuuneti Salimaahine. Bi keejjinnee bushoo Beet Gadeeri katemoon shuuneti Hareefine.

1 Kiinoo 2:54

Beetilehemin shuuneti Salimaahi Nexoofeenaꞌochi, Axiroot Beet Yoꞌaabeenaꞌochi, qati Menahayitee asheenaꞌonaa Tsoriꞌeenaꞌonochi qaabbechi nihoone.

Shoddo 105:16

Showee toommooch shaacoon deebiye; boonoshi maayo bullin aalliihe.

Shoddo 107:34

Arooch koteti asheenaꞌochi xummittinee naboona qeemi showoon kiikki barahoo tuniihe.

Erimiyaasi 14:1

Showee shuuꞌichon Doono Yeeri taach ishichiye:

Hiziqeeli 14:13

“Ashi bushoocho, ikke showee asheenaꞌo taach gibeneyaache ii axaaxoon boonoshi shuunetaa, tawoo ta mochoon boonoshi toommooch tiijjaꞌa boonoshi maayi woretoon ta kuxigaata, shaacoon deebaa ashoonaa gijjoonon ta wuxigaata,

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Leweenaꞌo 26:19

Ittoshi geeciibeeti ooge geecoon aalliyemmo taane. Ittoshiyee damba beeti shimaayoochee amiyo aalletaa, ittoshi showoo gooshoo wogoommon wogemmone.

Amootsi 4:6

“Katemoo bulliich manjeyemmi maayo aallemmoyich tuniyaꞌa, ittoshi gammo gawemmoyich tuniito, ta qelloona taane. Tunebaani ittoshi, ta waan wotteyaano ittoshine, iye Doono Yeeri.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Yibbaatoo 28:38

“Ne budooch wodde yaroon daami shookkemmo neene; tunebaani gechoo maa aalliitaa, aroochee ne macemmo giishechooniye.

Woraaferasheenaꞌo 12:8

Yofitaahi hillooch Beetilehemechi Ibitsaani Israꞌeeleenaꞌon qeejjiye.

Woraaferasheenaꞌo 17:7

Yihudee showooch, Yihudee yoodee asheenaꞌona tookkii Beetilehemi katemooch koteti ikke gurimaashe Lewee asho beehe.

Woraaferasheenaꞌo 17:8

Ebi uro bare beeyi xaaꞌoon qaawiꞌi Beetilehemi katemoochee tiyii hammiye. Hammiibee geppechi Efreemee showooch beeti Miki kexooch shaggiye.