Roomi 9:5 - Kafa Linguistics Project

⁵ Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

Roomi 9:5 ပူးပေါင်းရင်းမြစ်များ

Halloo 12:3

Neen diirimmon diiremmo taane; neen uppimmon uppemmo taane; showee toommooch beeti ashi yareenaꞌo bulli neenna diireyemminaꞌone” iye.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

1 Taateenaꞌo 1:36

Yoyaadi bushoo Beenayi taatoyich ishichiye: “Ameena; taatoo ta doono ne Nuggishoo Doono Yeeri tunebe gete.

1 Kiinoo 16:36

Bulli yemeenoochee bulli yemeenooch, Israꞌeelee Nuggishoo Doono Yeeri diireebe. Asheenaꞌo bulliyoo, “Ameena” iyeete; Doono Yeerinoo galleteheete.

Shoddo 103:19

Doono Yeeri bi taatee qeenon shimaayooch manjiitone; bi taatittino bullin hajjemmone.

Shoddo 106:48

Bulli yemeenoochee bulli yemeenooch, Israꞌeelee Nuggishoo Doono Yeeri diireebe! Asheenaꞌo bulliyoo, “Ameena” geteete. Doono Yeeri galleteebe!

Shoddo 41:13

Bulli aaboochee bulli aabooch, Israꞌeelee Nuggishoo Doono Yeeri diireebe! Ameena, ameena.

Shoddo 45:6

Nuggishoo Yeero, ne taatee qeeno bulli yemeeneechone; ne taatittinee gumbo dayinnetee gumboone.

Shoddo 72:19

Ooge bi shigo bulli yemeenoon diireebe! Bi oogee yiiroo showoo bulliich ceene. Ameena, ameena.

Shoddo 89:52

Doono Yeeri bulli yemeenoon diireebe! Ameena, ameena.

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Erimiyaasi 28:6

“Ameena, Doono Yeeri ebin tuniibe; Doono Yeerichi yaafee kechi qiicoonaa keco bullinon Baabloonee showoochee hini xaaꞌooch wochoona, Doono Yeeri ne keemmeti keemoon ceechibe.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Luqaasi 20:44

Illa Daawiti biin ‘Doono’ itone; ishigaata, aabichiree Daawitichi bushoo tunehe?” iꞌi echehe.

Yowannisi 10:30

Taannaa Nihoo Yeerina ikkoo noone” iye.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 3:13

Abrahami, Yisaaqinaa Yaaqobinochi Nuggishoo, biyoo no qaabbechinaꞌochi Nuggishoo, bi Bushoo Yesuusin oogiihe. Tunebaani ittoshi bi qitemmoyich beshiiꞌi immiyote. Phelaaxoosi biicha bi gabaa, bi aafoochaa nookkehote.

Roomi 1:25

Ebiyoo Yeerichi iberoon kootoona boonoshi shadditonaa Hallito beetaa halleetoyich boonoshi goyinnee maddetonoyichiye. Halliti Yeeri bulli yemeenoon galleteetone. Ameena.

Roomi 1:3

Ebi mishiraachoo Daawiti yaroochee meenona shiijjeti, yaafittinee Ayaanoona qitoochee bi timona Yeerichi Bushoo bi tuno ooge giidoona bekketi, Yeerichi Bushoo no Doono Yesuus Kiristoosichone.

Roomi 10:12

Ayihudoonaa Aagetoonochi daggooch barbarittino aalloone; ikke Doono bullichi Doonone. Corootoonoo biin qollee beetinaꞌo bullich beshaa beshiiꞌi immii beetone.

Roomi 11:28

Israꞌeeleenaꞌo mishiraachee qaaroon boonoshi qajjitoyich Yeerichi shixechinaꞌo tunetinaꞌone; ebiyoo Ayihudee asho tuneyaani ittoshich gaaccitone. Tunebaani Yeeri bi kaacciti qaabbechinaꞌoyich bi gibenikkiti gibenoochee tiyitona Yeeri boonoshin shunnitone.

1 Qorontoosi 14:16

Ebi toono gaata, ne ayaano ikkeetona Yeerin ne galletegaata, ne gettaabeeto biich giyaani kittinnoyich bi tuusheetoyich, Yeerin ne galletaabeeti galletoyich ameena bi gettemmo aabichireeshiye?

2 Qorontoosi 11:31

Bulli yemeenoon galleteeti Doono Yesuusichi Nuggishoonaa Nihoona tuneti Yeeri kootti ta qayon arii beetone.

Yibbaatoo 10:15

Tunebaani Doono Yeeri ittoshi qaabbechinaꞌon bi shunniti shunoo manjoo bi tunetoyich, showee toommooch beeti aageteenaꞌo bulli daggoochee, boonoshi shiijjeroo tuneti ittoshin kaacciye. Ebich and beddaahaa ittoshi biinna kaacheti asho ittoshine.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

1 Ximootiyoosi 6:15

Galleteya bede ikke mixxo tuneti Mawe Yeeri, taateenaꞌochi Taatoonaa dooninaꞌochi Doonona bi daaggiti aabooba are Doono Yesuus Kiristoosichi womon bekkiyemmone.

2 Ximootiyoosi 2:8

Mishiraachee qaaroona ta gettaa beetoommon, qitoochee tiyiti, Daawiti yaroochee shiijjeti Yesuus Kiristoosin shalligibe.

Hibireena'o 7:24

Tunebaani Yesuusi bulli yemeenoon beeyecho bi tunetoyich, shaddeyaani qeeshittinee ukkirittino biich beetone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Yaaꞌoo 22:20

Ebi mooyinaꞌon gettiibeeto “Eeha, kaateree woyemmo taane” ii beetone. Ameena; Doono Yesuuso, wobe!

Yaaꞌoo 5:14

Kashechi awudde halleenaꞌoo “Ameena” iyeete; geeneenaꞌoo baroona guufeꞌi goyinneheete.