Roomi 9:4 - Kafa Linguistics Project

⁴ Boonoshiyoo Israꞌeelee macceenaꞌone; Yeeriyoo boonoshin bi hajjee bushiisheenaꞌo tuniihe; bi oogee yiiroochee boonoshich qoodiye; wogoonoo boonoshina tookkii giyiye; sheeroonoo boonoshich immiye; yaafee kechi maddee doyoon, meeti baribare gibenee qaaroonoo boonoshich immiye.

Roomi 9:4 ပူးပေါင်းရင်းမြစ်များ

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

Halloo 17:10

Neennaa taanna daggooch, gubbi ne shiijjereenaꞌonaa taanna daggoochoo, ittoshi quyemmi wogo ebine: Ittoshi anaaminaꞌo bulli dokireebeete.

Halloo 17:2

Neennaa taanna daggooch ta wogoon geddemmo taane. Ne shiijjereenaꞌon oogichi meechemmo taane” iye.

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

1 Taateenaꞌo 8:11

Doono Yeerichi oogo yaafee kexooch bi ceennitoyich, qeesheenaꞌo qubee naboona, neexeꞌi maddoon hakkaaneenaꞌone.

Nehimi 13:29

Ta Nuggishoocho, qeeshittinee maddoon boonoshi eeꞌitoyich, wotta ne qeesheenaꞌonaa Leweenaꞌonochi wogoon boonoshi happitoyich, boonoshi shuunoon batteyaahine.

Shoddo 147:19

Bi qaaroon Yaaqobich, bi qociyoonaa getoonon Israꞌeelich, immiye.

Shoddo 63:2

Ne yaafee kexoochaa neen ciinneho; ne hakkoonaa ne oogoonon beeggehoye.

Shoddo 73:1

Boonoshi mullo xalloo tuneti Israꞌeeleenaꞌoyich, iberoochaa Yeeri gaawetone.

Shoddo 78:61

Bi giidoonaa oogoonochi malletoon, etteenaꞌo keci daammemmoyich tuniihe.

Shoddo 89:3

Newoo “Ta kaaccetona tookkaa wogoon giyehoye; ta guuno Daawitich ishichaꞌa wogehoye:

Shoddo 89:34

Biinna tookkaa ta giyeti wogoon biishaachemmo taane; ta noonoochee kechiti qaaroon shaddaachemmo taane.

Shoddo 90:16

Giidechi ne shuunoo ne guuno nooch, ne oogoo no bushiisheenaꞌoyich, bekkebe.

Keyo 12:25

Doono Yeeri ittoshich imma bi gibenikkiti showooch ittoshi giyiyooba, ebi baaroon baaribote.

Keyo 34:27

Aroochee Doono Yeeri Muusich, “Ebi qaareenaꞌon kooribe. Ebi qaareenaꞌona neennaa Israꞌeeleenaꞌona tookkii wogoon giyaabeeto taane” iye.

Keyo 4:22

Ebich Faroonich ishichibe: ‘Doono Yeeri ishichiye: “Israꞌeeli ta gutenee bushoone.

Keyo 40:34

Aroyee gubb qubo danee duukkaanoon guuppiye; Doono Yeerichi oogee yiiroo ebi yaafee duukkaanooch ceenniye.

Isiyaasi 41:8

“Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,

Isiyaasi 46:3

“Yaaqobichi yareenaꞌote, bulli Israꞌeelee cureenaꞌote, ittoshi shiijjoochee tiijjaꞌa ta tiqqetinaꞌote, ittoshi indee maacoochee tiijjaꞌa ta miꞌetinaꞌote, ta waanee waayebote.

Isiyaasi 5:2

Showoon gochiye; xaqqoonoo macii kichiye; gaaweti woyinee qomboon arooch bechiye; bi gutte daggooch dilaaloon shuunehe; woyinee aafo hiichemmi oppoon iijjiye; aroochee gaawe aafoon aafemmone ii quyehe; tunebaani kiikkeroon aafehe.

Isiyaasi 60:19

Ebiyee bekk areddoon neech bekkoon tunemmi aabe tooneene; xumoonoo neech ceechoon tunemmi agene tooneene; Doono Yeeri bulli yemeenee ceechoon neech tunemmone; ne Nuggishoo neech oogee yiiroon tunemmone.

Erimiyaasi 31:20

Efreemi aaxxe ta bushoo toone? Ta kashoommi gaggeroo toone? Biin ta kaaremmi aabo bullin, wochii biin gabiyoye; ta maacee meeno biich qewetoyich biin ariqqemmo taane” iye Doono Yeeri.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Hiziqeeli 1:28

Bi guudoonoo beeti phaqqoo amichi goorooch qubee daggoochaa bekkeebeeti ximbittoommone. Doono Yeerichi oogee yiiroo bi bekketo eechiꞌiniye; ebin ta beegiyooba baroona showooch guufeho; aroocheenoo yibbaatee qaaroon waayeho.

Hosee'i 11:1

Doono Yeeri ishichiye: “Israꞌeelin batt busha bi beetaa shunnehoye; ta bushoonoo Gibitsee ceeggehoye.

Haddoo 7:89

Muusiyoo danee duukkaanoochaa Doono Yeerina yibbaatoyich bi giyiyooba, miixee taabootee toommooch beeti, axaaxoon maariyee guufoyee tookkaa, gutte kiruubeenaꞌochi gutte daggoochaa Doono Yeeri biich yibbaatetaa waayehe.

Maatiyoosi 21:33

Wotta Yesuusi ishichiye: “Bare shaahiyoon waayebote: Bi showooch woyinoon bechiti ikke uro beehe. Bi guudoon xaqqoona uxerehe; wotta woyinee hiicci oppoon iijjiye; dilaaloon shuunehe. Aree hillooch uchi shiimemmi quyechinaꞌoyich quyiichii, bare showooch hammiye.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Roomi 3:2

Bulli gommona oogeti gaacechone. Shiichiꞌi Yeeri boonoshin gibeneꞌi bi qaaroon immitone.

Roomi 8:15

Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

Roomi 9:6

Tunebaani Yeerichi gibenee qaaro shaddeetone geto toonoone. Ebi Israꞌeelee yareenaꞌo bulli ibere Israꞌeeleenaꞌo tooneenaꞌone.

2 Qorontoosi 11:22

Hibiree shiijjereenaꞌone? Tawoo wotta Hibiree shiijjeroo taane. Israꞌeelee yoodeenaꞌone? Tawoo wotta Israꞌeelee yoodo taane. Abrahamichi yareenaꞌone? Tawoo wotta Abrahamichi yaroo taane.

Galaati 3:16

Ebiyoommon wotta Yeeri Abrahaminaa bi yaroonoyich gibenee qaaroon gettiye; bi gettii beegaata, “Ne yaroyich” iꞌi ikke Abrahami yaroochon gettiyani, “Ne yareenaꞌoyich” iꞌi meetinaꞌochon getaanoone; ebi yaroo getoo Kiristoosine.

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.

Yibbaatoo 14:1

Muusi Israꞌeeleenaꞌoyich ishichiye: “Ittoshi Nuggishoo Doono Yeerich bushiishoo ittoshine. Ebich qititi ashich ittoshi eeppii beegaata, ittoshi achoon gari qoccaahote. Ittoshi qelloonoo cakkeyaahote.

Yibbaatoo 29:1

Kooreebi guudoochaa bi giyiti wogee toommooch daakkiree Moꞌabee showoochaa Israꞌeeleenaꞌona tookki bi giyemmoyich, Doono Yeeri Muusich gettiti wogeechi mooyo ebine:

Yibbaatoo 29:14

Doono Yeeri hini wogoon bi giyiibeeto, ittoshina tookkii baach toonoone.

Yibbaatoo 31:16

Doono Yeeriyoo Muusich ishichiye: “Ne, qitiree ne qaabbechinaꞌon waan xaꞌeyemmo neene. Ne qititoyee gubb, hini asheenaꞌo taach gibeneyaaneenaꞌo tuneree boonoshina tookkaa ta giyeti wogoon biichemminaꞌone. Taan qayiree, boonoshi giya ii beeti showooch beeti bare nuggisheenaꞌoyich goyinne maddemminaꞌone.

Yibbaatoo 4:13

Biyoo ittoshi quyemmoyich bi immiti, biinnaa ittoshinochi daggooch beeti wogoon, ebiyoo aashire geteenaꞌon ittoshich gettiye. Ebi aroonoo gutte yalle xaqqeenaꞌo toommooch kooriye.

Yibbaatoo 7:6

Ebiyoo ittoshi Nuggishoo Doono Yeerich yaafeeti asho ittoshi tunetoyichiye. Biyoo bi hajjee asho ittoshi tunemmoyich, showee toommooch beeti asheenaꞌo bulli daggoochee ittoshin kaacciye.

Hibireena'o 9:1

Aafi wogoyich wotta Yeerich maddee doyoonaa hini showeexi yaafee kexona beetone.

Hibireena'o 9:10

Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.

Hibireena'o 9:3

Maccillaatoyee bekk beeti maaci gato Yaafe Xaaꞌeexi Yaafoo gettee beehe.

Hibireena'o 9:5

Ebi are taabootee toommooch axaaxoon maariyee guufoon boonoshi qoshoona yiireebeeti, gutte Yeerichi oogee yiiree kiruubeenaꞌo beetinaꞌone. Ebi boonoshi ikkikkeenaꞌochon getoyich and hakkaachone.

Hibireena'o 9:6

Ebi bulliyoo ebiyoommon qanniꞌi bi beetaa, qeesheenaꞌo boonoshi maddee doyoon ceechiibee, bulli aaboon duukkaanee daggeexi kelli badd giyii beetinaꞌone.