Roomi 9:30 - Kafa Linguistics Project

³⁰ Illa ama gettehone? Cadiqoon dabbaani Aageteenaꞌo cadiqiyeete; boonoshi cadiqitoo Yeeri toommooch mulloon tooꞌiyoonane.

Roomi 9:30 ပူးပေါင်းရင်းမြစ်များ

Shaahiyoo 15:9

Gonde ashi gommo Doono Yeeri aafoochaa ciigeetone; tunebaani cadiqee gommona hammii beeton shunniye.

Shaahiyoo 21:21

Cadiqoonaa deꞌittinoonon qaawiibeeti asho, kashoon, cadiqoonaa oogoonon danemmone.

Isiyaasi 51:1

Doono Yeeri ishichiye: “Cadiqoon dabbii beetinaꞌote, Doono Yeeri taan qaawii beetinaꞌote, ta waanee waayebote: Aroochee kuxaa ittoshi kechiti xaqqoon, aroochee iiyaa ittoshi kechiti oppoon ciinote.

Roomi 10:20

Keemechi Isiyaasi aafoon kuppheꞌi, “Yeeri ‘Taan qaawaaneenaꞌoyich danehoye; taachon echeyaaneenaꞌoyich bekkehoye’ itone” iye.

Roomi 10:6

Tunebaani Yeeri toommooch mullee tooꞌiyoona daneebeeti cadiqeechon Yaafe Macaafo ishichiye: “Ne mulloona ‘Koni shimaayooch kechehe?’ gettaahine” iye; ebiyoo Kiristoosin kindiiyane;

Roomi 3:5

Tunebaani no gondittino Yeerichi cadiqittinoon beshii bekkiibeeto bi tunegaata, ama gettehone? Yeeri kaaree shiixxoon no toommooch bi deebigaata, tato toonoone getone? Ashi doyee yibbaatoommon ishichiyoye.

Roomi 4:11

Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Roomi 4:13

Abrahaminaa bi yareenaꞌonoyich “Alemoon woraashemmo ittoshine” iꞌi Yeeri gibenikkitone. Ebi gibenoon Yeeri gibenikkito, Abrahami Yeeri toommooch mulloon bi tooꞌiyoona bi cadiqitoyichalli, Muusichi Sheeroon ceechii bi quyetoyich toonoone.

Roomi 4:22

Ebichiye [wotta] “Yeeri toommooch mulloon bi tooꞌiyoo Yeeri aafoochaa biin cadiqiihe” bi getteeto.

Roomi 4:9

Illa ebi Daawiti gettiti diiroo dokireetinaꞌoyich baachiye? Toonoone. Dokireyaaneenaꞌoyichoonane. Ebiyoo Yaafe Macaafoochee ta gettetoommon, “Abrahami Yeeri toommooch mulloon bi tooꞌiyoo Yeeri aafoochaa biin cadiqiihe.”

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

Roomi 9:14

Illa ama gettehone? Yeeri gondoon shuunee beetone? Shuuneyaache!

Roomi 9:31

Tunebaani Israꞌeeleenaꞌo cadiqoo daneebeeti sheeroon dabbiibee ebi are sheerooch shagaaneenaꞌone.

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

Galaati 3:24

Ebich no mulloon Kiristoosi toommooch tooꞌiiree no cadiqemmoyich, are sheeroo Kiristoos waan shakkiibeeti quyecho tunetone.

Galaati 3:8

Yaafe Macaafooch bi kooreetoommon, Yeeri Aageteenaꞌo boonoshi mulloon bi toommooch boonoshi tooꞌiitaa cadiqiyemmo bi tunoon shiichii Abrahamich “Neenna aageteenaꞌo bulli diireyemminaꞌone” iꞌi mishiraachee qaaroon gettiye.

Galaati 5:5

No, Yaafe Ayaano immiibeeti giidoona no mulloon Yesuus Kiristoosi toommooch tooꞌiibee Yeeri nooch gibenikkiti cadiqoon quyaabeeto noone.

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.

1 Ximootiyoosi 6:11

Tunebaani haano Yeerichi ashoocho, ebi mooyo bulliichee wohe. Cadiqoon, Yeerin oogiibeeti beemon, Kiristoosi toommooch mullee tooꞌiyoona manjoon, maneenaꞌon shunon, haaꞌiyoon, shiimecho tunoonoo dabbiree yeshe.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

1 Pheexiroosi 4:3

Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.