Roomi 9:29 - Kafa Linguistics Project

²⁹ Wotta Isiyaasi shiichiꞌi ishichitoommon, “Beshe Mawe Doono Yeeri nooch yaroon bi echiyaan gaata, Sodoomin tunesho, Gomoorinoo shaahesho noone.”

Roomi 9:29 ပူးပေါင်းရင်းမြစ်များ

Isiyaasi 1:10

Sodoomee iraasheenaꞌote, Doono Yeerichi qaaroon waayebote. Gomoori asheenaꞌote, no Nuggishoo dojjiibeeti doyoon ellebote.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 13:19

Taatittineenaꞌochi ooge, Kalideenaꞌochi geecee tuneti Baabloonin, Doono Yeeri ta, Sodoominaa Gomoorinochoommon guuppemmo taane.

Isiyaasi 6:13

Aashire ashoochee ikkoo bi eche gaatoona, geellee mixo woyee meellee mixo kuxaa aalloommon aallemmone; bi xugo yaafeeti yaroon tunemmone” iye.

Erimiyaasi 49:18

Sodoomi, Gomoorinaa boonoshi guudoona beeti katemeenaꞌonochi toommooch shaggitoommo Edoomi toommooch shaggemmone; koniyoona arooch koteyaachemmone; asho arooch beetaachemmone” iye Doono Yeeri.

Erimiyaasi 50:40

Yeeri, Sodoominaa Gomoorinon, boonoshi guudoona beeti katemeenaꞌonoo bi guufoommon, koniyoona arooch koteyaachemmone; ashi yaroo arooch beetaachemmone” iye Doono Yeeri.

Shoosho 3:22

Ebiyoo bi ariqqo ciireyaano bi tunetoyich, aalleyaanoon ebiich no beddeto Doono Yeerichi shoodoona bi tunooniye.

Shoosho 4:6

Ta asheenaꞌochi toommooch shaggiti naxo, ashi kishoo shagaanoon qillifee yexx bedaan beetaa guufeti, Sodoomi toommooch shaggiti naxoyee beshoone.

Amootsi 4:11

“Sodoominaa Gomoorinon ta aalliyoommon ittoshi daggoochee ikkikkeenaꞌon aalliihoye; ebi aroochee muricciꞌi ittoshi kechito, ciifo qaaqqee daggoochee keyoommoniye. Tunebaani ta waan wotteyaano ittoshine, iye Doono Yeeri.

Sofoniyaasi 2:6

Baharee gashooch beeti ittoshi showoo xalle gaddo tunemmone; wotta qiddeenaꞌochi bashee xaaꞌoonaa bageenaꞌochi qeyi xaaꞌoona tunemmone.

Yibbaatoo 29:23

Showoo bulli micciti waageroonaa kiihona shookketi, gocheyaani, maayoonoo colliyaani, mocoo colleyaani showoo tunemmone. Ebi showee toommooch shaggemmi aallo Doono Yeeri bi kaaree shiixxoona bi aalliiti Sodoomi, Gomoori, Adiiminaa Tseboyiminooch shaggiti aalloommon tunemmone.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

2 Pheexiroosi 2:6

axaaxoon shuunoyich gabii beetinaꞌon cuuꞌiya Sodoominaa Gomoorinon tulloo tunii michii aalliiꞌi boonoshi toommooch bi nallitoyee;

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.