Roomi 9:27 - Kafa Linguistics Project

²⁷ Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

Roomi 9:27 ပူးပေါင်းရင်းမြစ်များ

Halloo 22:17

iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

Iziri 9:14

Illa ne getoon wochinnoon shaadde gubb wotteree, ebi eeꞌe shuunoon shuuneebeeti aageteenaꞌona tookki shaageebona? Newochi nooch curo echeyaachemmoyich, woyee ikkoona muricaachemmon tuniiree, ciroona noon ne aalliimmi wottoon, noon kaaro qajjenne?

Iziri 9:8

“Andoo no Nuggishoo Doono Yeero, no aafoon ne ciichiyemmoyich, guuchittinooch no beetaa, giishechoon noon ne kashiyemmoyich, nooch curoon echiyoyich, ne yaafe xaaꞌooch manje xaaꞌoon nooch imoyich, giisheche aaboon ne deꞌittinoon nooch bekkiito neene.

Isiyaasi 1:1

Yihudee taateenaꞌo, Uziyaahi, Yotaami, Akaazinaa Hiziqiyaasinochi taatee yemeenooba, Yihudinaa Yerusaaleminochon Amootsi bushoo Isiyaasi beeggiti yaaꞌoo.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 24:13

Showee toommeexi aageteenaꞌo bulli toommooch shaggemmo ebiyoommone; zayitee aafo bi mixoochee maceechaa woyee woyinee aafoo bi qomboochee maceechaa arooch giishecho echoommon echemminaꞌone.

Erimiyaasi 44:14

Gibitsee showooch kotoyich hammiti, Yihudee cureenaꞌoochee muriccemmo woyee wodemmo, boonoshi qaatiibeeti Yihudee showooch kotoyich wottemmo, koniyoona aalloone; yookketi giishecheenaꞌoyee besh koniyoona muricaachemmone” iye.

Erimiyaasi 5:10

“Boonoshi woyinee bechee daggooch giyiree duubiibote; tunebaani ciroona aalliyaahote; Doono Yeericho tuno boonoshi qajjitoyich bi ateenaꞌon hoꞌote;

Hiziqeeli 6:8

“ ‘Tunebaani ittoshi daggoochee giishecheenaꞌo murici wodemmoyich tuniyemmo taane; tunetaa boonoshiyoo aagetee showeenaꞌooch shacemmoyich tuniyemmo taane.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.