Roomi 9:22 - Kafa Linguistics Project

²² Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

Roomi 9:22 ပူးပေါင်းရင်းမြစ်များ

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

Shoddo 90:11

Neen shattii beetinaꞌo ne kaaree shiixxoon ariyoommon, kupphe ne kaaroon ariyemmo konine? Ne kaaree shiixxoo neen shatoommi oogoone.

Keyo 9:16

tunebaani kashoona ne beeyemmoyich ta tuniito, ta giidoon neech ta bekkiyemmonaa ta shigo showee toommo bulliich bi arichemmonoyichiye.

Shaahiyoo 16:4

Doono Yeeri halliti mooyo bulli nabechone; biyoo gondeenaꞌon aallee aaboyich qanniitone.

Shoosho 3:22

Ebiyoo bi ariqqo ciireyaano bi tunetoyich, aalleyaanoon ebiich no beddeto Doono Yeerichi shoodoona bi tunooniye.

Haddoo 14:11

Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye?

Roomi 1:18

Yeerichi ibere mooyo aricheyaachemmoyich boonoshi gondoona qeriibeeti asheenaꞌochi axaaxoonaa gondo bullinochi toommooch Yeeri bi kaaree shiixxoon shimaayoochee kindiyemmone.

Roomi 9:17

Yaafe Macaafoochaa Yeeri Faroonin “Ne toommoochaa ta tuniyaabeeti shuunoona ta giidoon ta bekkiyemmoyich, ta shigoo showee toommo bulliich bi arichemmoyich, ebichi naboyichiye neen ta taatiito” iye.

Roomi 9:20

Tunebaani haano ashoocho, ishichiree Yeerich wochemmo ne koni neene? Nuuqqoochee shuuneebeeti qiico shuuneton “Amoyich ebin tuniiꞌa taan shuunenne?” gettehe?

Roomi 9:21

Woyee nuuqqee hachecho ikke nuuphoochee ikke qiicoon oogee qiico, wotta ikke qiicoon qalle qiicoon tuniiꞌi shuunoyich nuuqqee toommooch hakkoo biich aalle?

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

1 Tasaloonqi 5:9

Yeeri noon bi kaaccito, no Doono Yesuus Kiristoos waanaa wodoon no danemmoyichalli, bi kaaree shiixxoon no toommooch kindiyoyich toonoone.

2 Ximootiyoosi 2:20

Ikke ooge kexooch beeti qiiceenaꞌo boonoshi shuuneeto aachoonaa birewoonoochee baach toonoone; arooch mixonaa nuuqqoonoochee shuuneetinaꞌo beetinaꞌone; aroochee ikkikkeenaꞌo aaxxe shuunoyich, ikkikkeenaꞌoo qallayeeti shuunoyich heechii beetinaꞌone.

1 Pheexiroosi 2:8

wotta, “Asheenaꞌon tephemmi xaqqoon, yexi dichemmi xaqqoon tunehe” getaa bi kooreetoommone. Yeerichi qaaroyich deꞌa geto boonoshi qajjitoyich, tepheeꞌi dihii beetinaꞌone; ebiyoo shiichiꞌi Yeeri boonoshich gabitoommoniye.

1 Pheexiroosi 3:20

Ebi cuyee kexooch cucheꞌi beeti kasheenaꞌo wonna Noohi yemeenooch markabo shuuneehooba, Yeeri haaꞌiyoona bi quyee beetaa biich deꞌa getaache itinaꞌone; are markabooch giyiꞌi aacona woditinaꞌo giishecheenaꞌo, eboshiyoo shimitte asheenaꞌo baachiye.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.

2 Pheexiroosi 3:15

No Doono Yeeri haaꞌii bi beeto ittoshi wodoyich bi tunoon shalligibote. No shunnaabeeti no manoo Phawuloosi Yeeri biich immiti ariyoona ittoshich bi koorito ebiniye.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.