Roomi 8:34 - Kafa Linguistics Project

³⁴ Boonoshi toommooch nallemmo konine? Qitito, ebiyeenoo qitoochee tiyito, Yeerichi qanne badd koteꞌi beeti Kiristoos Yesuusi no qoodoon Yeerin nooch qollee beetone.

Roomi 8:34 ပူးပေါင်းရင်းမြစ်များ

Iyoobi 33:24

ebi are maraakoo biich ariqqeree Yeerich, ‘Maash bi hammemmoyich tuniyaahine; ta biin biisheree wodiyemmo taane’ bi getigaata,

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Shoddo 109:31

Ebiyoo qitooch nalleeton bi wodiitoyich, amaalloochi qannooch bi neexetoyichiye.

Shoddo 37:33

Tunebaani Doono Yeeri bi kishooch beshiiꞌi imaache; taggoochaanoo bi xoobbemmoyich tuniyaache.

Isiyaasi 50:8

Cadiqo ta tunoon arichiyemmo ta gaꞌooch beetone; taanna taggemmo konine? Eke tookki neexebone; ta taggecho konine? Eke ta waan giddebe.

Isiyaasi 53:12

Bi kashoon qitooch beshiiꞌi bi immitoyich, gonde shuunechinaꞌona tookkii bi haddeetoyich, ogoogeenaꞌona tookki bi qoodoon qoodeyemmone; hakkechinaꞌona tookkishoo kecoon qoodeyemmone. Biyoo meetinaꞌochi axaaxoon shaaggiye; xuꞌechinaꞌoyichoo maaggehe.

Erimiyaasi 50:20

Ebi ta echiiti cureenaꞌon maaremmo ta tunetoyich, aroobee aaboonaa aroobee yemeenoonooch Israꞌeeleenaꞌochi xuꞌo qaaweyemmone, tunebaani daneyaachemmone; Yihudee asheenaꞌochi axaaxoo qaaweyemmone, tunebaani daneyaachemmone” iye Doono Yeeri.

Haddoo 7:15

micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maariqoosi 16:19

Doono Yesuusi ishin bi dabbeenaꞌoyich bi gettitoyee gubb, shimaajj kechiꞌi Yeerichi qannooch kotehe.

Yowannisi 14:19

Ta hammemmo katinnitone; ebiyee gubb, alemo guttinnoon taan beegaachemmone; tunetaa ittoshi taan beeggemmo ittoshine. Kashecho ta tunetoyich, ittoshiyoo kashecho tunemmo ittoshine.

Yowannisi 16:23

Arooba amoonolla taan echeyaachemmo ittoshine. Iberoon ittoshich gettoye: Nihoo Yeeri ta shigoona ittoshi qollemmo bullin ittoshich immemmone.

Mishiraachechinaꞌo 2:24

Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye.

Roomi 14:13

Illa hanaachina ikka getiree noonnaa noonna ikkoo baroo toommooch nalloon qaye. Ebiyeenoo wotta kittinnoo tuneti ikke bi manoon axaaxooch yexi dichemmi mooyon gedoochee no qelloon quyebone.

Roomi 14:9

Ebiyoo qititinaꞌonoo kashechinaꞌonoo biicho tuniiree hajjoyich Kiristoosi qititoyichiye; wotta qitoochee bi tiyitoyichiye.

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

Roomi 8:27

Yeerichi daaggoommon, Yeerich yaafeeti asheenaꞌochi qoodoon bi qollee beetoyich, ashi mulleexi gaboon maqqiꞌi ariibeeti Yeeri bi Ayaanee gaboo amo gaata arii beetone.

Qolaasiyaasi 3:1

Illa Kiristoosina tookkii qitoochee ittoshi tiyitoyee, Yeerichi qanne badd Kiristoosi koteꞌi beetooch damba shimaajj beeti mooyon gabibote.

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.