Roomi 8:28 - Kafa Linguistics Project

²⁸ Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

Roomi 8:28 ပူးပေါင်းရင်းမြစ်များ

Halloo 50:20

Ittoshi ta toommooch gondoon gabiyote; tunebaani and tunee beetoommon, meeti asheenaꞌochi kashoon wodiiya iꞌi, Yeeri deꞌe mooyooch shadditone.

2 Saameeli 16:12

Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.

Nehimi 1:5

Tawoo ishichiyo: “Shimaajji Nuggishoo Doono Yeero, neen shunnii beetinaꞌonaa ne getoon quyee beetinaꞌonoyich ne giyeti wogoon ceechaabeeti, kuxeyaani ne shunoonoo bekkiyaabeeti, oogoonaa shattiitona tuneti Nuggishoocho,

Shoddo 69:36

Bi guuninaꞌochi yareenaꞌoo woraashemminaꞌone; biin shunnii beetinaꞌo arooch kotemminaꞌone.

Keyo 20:6

Tunebaani taan shunnii beetinaꞌonaa ta getoon quyee beetinaꞌonoyich, hume shiijjerooch beddaahaa ta shoodoon bekkiibeeto taane.

Erimiyaasi 51:29

Baabloonin koniyoona koteyaachemmi shokkoon tuniyoyich, Doono Yeeri gabito Baablooni toommooch ceennemmo bi tunetoyich, showoo shuuri qewemmone.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Maariqoosi 12:30

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne shalligoona, ceeni ne giidoonoo shune’ ii beetone.

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

Roomi 9:11

Yeeri biich “Qaabboo guuchoyich hajjeyemmone” iye. Ebin bi ito bushiisheenaꞌo batt shiijjeyaani boonoshi beetaa, gaaweto tuneba gondo, ikkeenolla boonoshi tuniyaan beehoobane. Ebich Yeeri kaaccitoommon bi gaboo manjito bi tunemmoyich, ikkoon bariiꞌi bi kaaccito boonoshi shuuneti shuunoona tuneyaanoon, bi ceeggiti ceegoonane.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

1 Qorontoosi 1:24

Tunebaani Yeeri ceeggitinaꞌoyich, Ayihudeenaꞌo tunebeeta Giriikeenaꞌo, Kiristoosi Yeerichi giidoonaa Yeerichi shalligoonane.

1 Qorontoosi 1:9

Bi Bushoo no Doono Yesuus Kiristoosina tookki ikkittino ittoshich bi beeyemmoyich, ittoshin ceeggiti Yeeri ebin ceechoyich gibeneetone.

1 Qorontoosi 2:9

Tunebaani ishichaa bi kooreetoommon, “Koniyoona bi aafoona beeggii bi ariyaanoon, bi waamona waayee bi ariyaanoon, tunemmone iꞌi bi mulloona cir bi shalligaanoon, Yeeri biin shunnii beetinaꞌoyich am shaahe meeti mooyoniye bi qanniito.”

2 Qorontoosi 5:1

Bashoommi hini showeexi no kexo, ebiyoo no meeno, bi happee gaata, ashi kishoona shuuneyaani, bulli yemeenee kexo, ebiyoo Yeeri haggiti kexo, shimaayooch nooch beemon ariibeeto noone.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Galaati 1:6

Kiristoosichi wojjoona ittoshin ceeggiti Yeerin qajjiichii bare mishiraachee qaarooch aabichiꞌi afaafinee shokiyote? Ebi ittoshi tuniiti mooyon iberiyoo taach maggehe.

Galaati 5:8

Ebiyoommi maanjoo ittoshin ceeggito waanee waato toonoone.

Efesooni 3:11

bulli yemeenoyee aaf Yeeri biich beeti ebi gaboon Kiristoos Yesuusi no Doonona ceechitone.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

Yibbaatoo 8:16

Ne qaabbechinaꞌo maa ariyaani mannoon barahoochaa neech maanjiye. Ciiroochaa gaawe mooyona neen diiriya, iritoon ne toommooch deebiꞌi neen phirehe.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

1 Tasaloonqi 5:9

Yeeri noon bi kaaccito, no Doono Yesuus Kiristoos waanaa wodoon no danemmoyichalli, bi kaaree shiixxoon no toommooch kindiyoyich toonoone.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Yowannisi 4:10

Shuno getoo ebine: No Yeerin no shunnetoyich tuneyaanoon, Yeeri bi qelloona noon shunniꞌi, no axaaxoon bi maaremmi deejjoo bi tunemmoyich, bi Bushoon bi deejjoone.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

Yaaꞌoo 3:19

“Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.