Roomi 8:26 - Kafa Linguistics Project

²⁶ Ebiyoommon wotta Yeerichi Ayaano no maraatoon gaachee beetone; aabichiree no corootemmo gaata ariyaano noone; tunebaani Yeerichi Ayaano bi qelloona ebine getaa getteyoo hakkeyaani qaaroona gaashilliibee no qoodoon Yeerin nooch qollee beetone.

Roomi 8:26 ပူးပေါင်းရင်းမြစ်များ

Iyoobi 37:19

“Nooch bi manderetoyich, no mooyon Yeeri aafooch giddiyoon hakkaano noone; eke biich no gettemmon nooch gete.

Shoddo 10:17

Doono Yeero, boonoshi qelloon giishiitinaꞌochi qolloon waayehine; ne waamon gaꞌiyaa waayaꞌa boonoshi mulloon kupphiihine.

Shoddo 102:20

Ebiyoo, qoppeenaꞌochi gaashiron waayoyich, qitooch nalleetinaꞌon biichii gawukkoyichiye.

Shoddo 102:5

Oogichaa ta gaashiroochee tiyitona, shaawushoo kecheto taane.

Shoddo 6:3

Oogichaa xuuxeto taane; Doono Yeero, ebi tune beeyemmo aati wottooniye?

Shoddo 6:9

Doono Yeeri ta qolloon waayetone; Doono Yeeri ta corootoon deqqitone.

Shoddo 69:3

Cookaabee, cookaabee maraateto taane; ta killoo baggitone; ta Nuggishoon quyoona ta aafeenaꞌo doojjiyeete.

Shoosho 3:56

Ta qolloon waayehine; gaachee danoyich ta cookaa ne waamon badd wochaano neene.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Maatiyoosi 10:20

Ittoshina tuneree gettemmo ittoshi Nihoo Yeerichi Ayaanoani ittoshi toonoone.

Maatiyoosi 20:22

Tunetaa Yesuusi wochiꞌi, “Ittoshi qollemmon ariyaachote. Ta uchemmi xuuxee xoofoochee uyon hakkehote?” iye. Boonoshiyoo wochiꞌi, “Eeha hakkemmo noone” iyeete.

Luqaasi 22:44

Biyoo oogichii xuuxeebee aafichoyee beshoon corootiye; damoo cotoommon caajjo bi achoochee showooch cottiye.

Yowannisi 14:16

Tawoo Nihoo Yeerin qollemmo taane; bulli yemeenoon ittoshina tookki bi beeyemmoyich, bare Kupphiyechon ittoshich deejjemmone.

Roomi 15:1

Ebich Kiristoosichi toommooch mullee tooꞌiyoona kuppheti no, no qelloon emirikkoon qayiichi kuppheyaaneenaꞌochi shaagoon shaago nooch qaawiihe.

Roomi 7:24

Ta am shaahoon maaceraabeeti asho taane! Hini qitooch bechiibeeti meenoochee konine taan wodiyemmo?

Roomi 8:15

Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

2 Qorontoosi 5:2

Shimaayooch beeti are no kexon taheya oogichaa qaataabee, gaashillaabeeto noone;

2 Qorontoosi 5:4

Iberoon bashoommi hini no meenona beechaa, no meeno noon maggetaa gaashillaabeeto noone; and hini no taheti meenon shootteyoon shunnaabeeto toono noone; tunebaani qitemmi no meeno bulli yemeenee kashoona bi shaddeetaa shimaajji ashittinoon taheya qaawaabeeto noone.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

Efesooni 2:18

No bulli bi gommona Nihoo Yeer waan ikke Ayaanoona gimon hakkito noone.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.

Hibireena'o 5:2

Ebi are qeeshee guudo bi qelloona wotta meeno taheti asho bi tunetoyich, tuushoo tuneꞌi muriccii beetinaꞌoyich ariqqoon hakkiye.

Yaaqobi 4:3

Ittoshi qaatiibeeti mooyon Yeeri ittoshich bi immemmoyich qollehote; tunebaani ittoshi qaatoon ceechoyicha iꞌi gonde gaboona ittoshi qollee beetoyich, bi waanee daneyaachote.