Roomi 8:24 - Kafa Linguistics Project

²⁴ Gibenoonane no wodito; tunebaani no gibenaabeeti mooyo bekkeebeeto bi tunegaata, ibere gibeno toonoone. Bi beeggiibeeti mooyon gibenemmo konine?

Roomi 8:24 ပူးပေါင်းရင်းမြစ်များ

Shoddo 146:5

Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.

Shoddo 33:18

Ebiyoche Doono Yeeri aafo biin shattii beetinaꞌon, bi shoodoon gibenee beetinaꞌon, ciinniye.

Shoddo 33:22

Doono Yeero, neen no gibenoommon, ne shoodo no toommooch tunebe.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Erimiyaasi 17:7

“Doono Yeerin gibeneto, bi gibeno Doono Yeeri tuneto, diireetone.

Zakaariyaasi 9:12

Gibenoona beeti hini qoppeenaꞌote! Ittoshi mishigooch wottebote! Gutte kishoo tuniiree ittoshin diiremmo ta tunoon ta and ittoshich gettoye.

Roomi 12:12

Gibeno ittoshich beetoyich emiribote; iritoon haaꞌiibote; corootoona kupphebote.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 15:4

Yaafe Macaafoochee no danaabeeti haaꞌiyoonaa goggoona gibeno nooch bi beeyemmoyich, shiichiꞌi Yaafe Macaafooch kooreeto bulli nooch dojjiya kooreetone.

Roomi 4:18

“Ne yaroo ebiyoommon meettemmone” getaa Yaafe Macaafooch bi kooreetoommon, gibeno aalli xaaꞌooch gibeneꞌi iberiihe; ebina meeti aageteenaꞌochi nihoo tunehe.

Roomi 5:2

Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone.

Roomi 8:20

Ebiyoo halleenaꞌon Yeeri “Duube mooyoyich hajjeebeete” iꞌi bi daaggitoyichalli, halleenaꞌochi daaggoo bi tunetoyich toonoone; tunetaa Yeeri gubbichon gabiꞌi gibenoona hajjiihe.

1 Qorontoosi 13:13

Illa iberiyoo, gibenoonaa shunoona hini keeminaꞌo manjiree beeyemminaꞌone. Eboshiyee besho shunoone.

2 Qorontoosi 4:18

Ebich bekkeyaanoonalli bekkee beeton ciinaachone; bekkeebeeto andich baachiye; tunebaani bekkeyaano bulli yemeeneechone.

Galaati 5:5

No, Yaafe Ayaano immiibeeti giidoona no mulloon Yesuus Kiristoosi toommooch tooꞌiibee Yeeri nooch gibenikkiti cadiqoon quyaabeeto noone.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

1 Tasaloonqi 5:8

Tunebaani areddee asho no tunetoyich, mullee tooꞌiyoonaa shunoonon getee ginee tahoochoommon gediree, “Yeeri noon wodiyemmone” imi gibenoon xuuree ukoochoommon ukeree no qelloon quyoona beebone.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

Titoosi 3:7

ebin bi tuniito, bi wojjoona cadiqiree gibenoona no quyeebeeti bulli yemeenee kashoon no woraashemmoyichiye.

Hibireena'o 11:1

Illa Yeeri toommooch mulloon tooꞌiyoo geto no gibenaabeeti mooyon manjiyoo, no beegaani mooyonoo xiishoo getone.

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

1 Yowannisi 3:3

Illa Kiristoosina ebi gibenoon geddiibeeto bulli, Kiristoosi xalloo bi tunoommon bi qelloon xallii beetone.