Roomi 8:15 - Kafa Linguistics Project

¹⁵ Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

Roomi 8:15 ပူးပေါင်းရင်းမြစ်များ

Keyo 20:19

Boonoshiyoo Muusin “Ne nooch yibbaatebe. Nowoo elle waayemmo noone. No qitaachemmoyich Yeeri nooch yibbaataye” iyeete.

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Erimiyaasi 3:19

Israꞌeele, ta neen ta busha haddiya, gaawe showoon neech imma, showoo bulliyee beshe qeemi showoon neech woraashiya, qaawiyoye. Wotta “Ta Nihoocho, geti ceeggemmi neene; taan dabboocheenoo wotteyaachemmi neene” iyaꞌanoo, gabiyoye.

Haddoo 17:12

Aroochee Israꞌeeleenaꞌo Muusich ishichiyeete: “Ebiyoche qitaaniye no beeto; aallaaniye no beeto; no bulliyona aallaaniye no beeto.

Maatiyoosi 25:25

Ebich shattaꞌa ne waanee ta deqqeti makilitoon daammaa iijjaꞌa showooch duukkehoye. Ebiyoche, ne makilitoon neech wochiya deebeto taane’ iye.

Maariqoosi 14:36

Ishichiye: “Taabbo, ta Nihoocho! Bulli neech hakkeehe. Hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Luqaasi 11:2

Ebich Yesuusi boonoshich ishichiye: “Ittoshi ishichi corootibote: ‘[Shimaayooch beeti] no Nihoocho! Yaafe ne shigo oogebe! Ne taatittino bulli toommooch bede!

Luqaasi 22:42

“Ta Nihoocho, ne daaggigaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iibee corootiye.

Luqaasi 8:28

Meeti aaboon are yinno tiyaa, bi kishoon sansalatoona, bi baatoonoo qoqqaannoona cuchiꞌi quyee beeheete; uroo eboshi bullin kuxxii ciichiꞌi bi toommeexi yinnoona barahooch tiishee beehe. Arooba Yesuusi uroona daneꞌi, “Hini yinnoocho, uro toommoochee tibe” iꞌi noggehe. Bekkech hini are uro Yesuusin beeggiꞌi bi baatooch dihiye. Oogichii cookiꞌi, “Beshe Nuggishoo Yeerichi bushoo Yesuuso, ta mooyooch neen amo geddiye? ‘Taan yulliyaahine’ iyaꞌa neen qollehoye” iye.

Luqaasi 8:37

Ebi Gergeseenee showee asheenaꞌo bulli oogichiꞌi boonoshi shattitoyich, “No waanee hambe” iꞌi Yesuusin qolleheete. Ebich Yesuusi markabee toommooch kechii koteꞌi wottee hamma tiyiye.

Yowannisi 16:8

Aroo waaree, alemoon axaaxeechon, cadiqeechonaa nalleechonon boonoshin ittibatemmone.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Mishiraachechinaꞌo 16:29

Cuyee kechi quyecho “Ceechoon taach deebote” iꞌi ceechii yechiꞌi, cuyee kechi maac wocciye; qeweebee Phawuloosinaa Sillaasinochi baatooch dihiye.

Mishiraachechinaꞌo 2:37

Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.

Roomi 8:16

Are Ayaano bi qelloona Yeerichi bushiishoo no tunoon no ayaanoona tookkii miixee beetone.

Roomi 8:23

Halleenaꞌo ikkeetinaꞌo baach tooneenaꞌone; shiichiti wojjoon tuniiꞌi nooch Yeeri immiti Yaafe Ayaano nooch beeti no, no qelloona wotta no ashittinee biicheyoon, ebi getoo Yeeri bi bushoo no tunoon bi bekkiyoon quyaabee, no maacoona gaashillaabeeto noone.

Roomi 8:26

Ebiyoommon wotta Yeerichi Ayaano no maraatoon gaachee beetone; aabichiree no corootemmo gaata ariyaano noone; tunebaani Yeerichi Ayaano bi qelloona ebine getaa getteyoo hakkeyaani qaaroona gaashilliibee no qoodoon Yeerin nooch qollee beetone.

Roomi 9:4

Boonoshiyoo Israꞌeelee macceenaꞌone; Yeeriyoo boonoshin bi hajjee bushiisheenaꞌo tuniihe; bi oogee yiiroochee boonoshich qoodiye; wogoonoo boonoshina tookkii giyiye; sheeroonoo boonoshich immiye; yaafee kechi maddee doyoon, meeti baribare gibenee qaaroonoo boonoshich immiye.

1 Qorontoosi 2:12

Tunebaani nooch icheti wojjoo bullin no ariyemmoyich, Yeer waanee wocheeti Ayaanoani, hini alemeexi ayaano toonoone nooch icheto.

2 Qorontoosi 11:4

Eechaa ta shattaabeeti naboo, ikke asho ittoshi waan waaꞌi no getteti Yesuusin tuneyaanoon bare Yesuusin, woyee ittoshi deqqiti Yaafe Ayaanoon tuneyaanoon bare ayaanoon, woyee ittoshi deqqiti mishiraachee qaaroon tuneyaanoon bare qaaroon, ittoshich bi getaa, eehiiree cikki qajjemmo ittoshine iyaꞌaniye.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Galaati 5:1

Sheeroyich guunon tunee hajjeeꞌi beemoochee Kiristoosi noon biishee kichitone. Illa manjiree neexebote; wochinnoon guuchittinee waanjoona xandeyaahote.

Efesooni 1:5

gaawe bi daaggoona Yesuus Kiristoos waanaa biich bushiishoo no tunemmoyich shiichiꞌi gabii maacciye.

2 Ximootiyoosi 1:7

Yeeri nooch bi immiti Ayaano giideechonaa shuneechona, qellee quyeechoonalli, shatti ayaano toonoone.

Hibireena'o 2:15

Wotta boonoshi beemi yemeeno bullin qitoon shatona guuchittinooch hajjeeꞌi beetinaꞌon biishe bi kichemmoyichiye.

Yaaqobi 2:19

Yeeri ikkoo bi tunoon iberiibeeto neene; gaawiye! Yinneenaꞌolla wotta ebiyoommon iberii beetinaꞌone; qeweenoo beetinaꞌone.

1 Yowannisi 4:18

Ebiyoommi shunoyich shato aalloone; ceeni shuno shaton kichi duppemmone; shattiibeeti ashoon shato sheerii beetone. Ebich asho bi shatigaata, are asho Yeeri biin bi shunon batt xiishii ariyaanoone.