Roomi 8:14 - Kafa Linguistics Project

¹⁴ Yeerichi Ayaano boonoshin yaabii beetinaꞌo bulli eboshi Yeerichi bushiisheenaꞌone.

Roomi 8:14 ပူးပေါင်းရင်းမြစ်များ

Shoddo 143:10

Ta Nuggishoo ne tunetoyich, ne daaggoon ta tuniyemmoyich taan dojjibe; gaawe ne Ayaano tate boochoona taan yaabibe.

Shaahiyoo 8:20

Ta shaꞌaabeeto cadiqee gommonane; ta boocho dayinnetee boochoone.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Maatiyoosi 5:9

Shunii beetinaꞌo diireetinaꞌone; ‘Yeerichi bushiisheenaꞌone’ getaa ceekkemminaꞌone.

Yowannisi 1:12

Tunebaani Yeer waanee bi womon iberiiꞌi boonoshi mulloon bi toommooch tooꞌiitinaꞌo bullich Yeerichi bushiishoo tunee hakkoon immiye.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

Roomi 8:5

Meechi daaggoona beetinaꞌo meechi mooyon gabiyeete; tunebaani Yeerichi Ayaanee daaggoona beetinaꞌo Yeerichi Ayaanee mooyon gabiyeete.

Roomi 8:9

Tunebaani ittoshi, Yeerichi Ayaano ittoshi mullooch bi beegaata, Yeerichi Ayaanoyich hajjeeꞌi beehotalli, meenoyich hajjeeꞌi beetaachote. Illa Kiristoosichi Ayaano biich aallo bi tunegaata, aroo Kiristoosicho toonoone.

Roomi 9:26

‘Ittoshi ta macceenaꞌo toono ittoshine’ boonoshi getteeti xaaꞌooch aroochaa ‘Beeyechi Yeerichi bushiisheenaꞌo’ getaa ceekkemminaꞌone” itone.

Roomi 9:8

Ebi geto Yeeri gibenikkiti gibenee qaaroona shiijjeti bushiisheenaꞌo ibere bi yaroo tuneꞌi haddeeteetalli, ebi meenona shiijjeti bushiisheenaꞌo Yeerichi bushiisheenaꞌo tooneenaꞌone getone.

2 Qorontoosi 6:18

Ittoshichoo Nihoo tunemmo taane; ittoshiyoo taach anaami bushiishoonaa maache bushiishoonon tunemmo ittoshine, iye Beshe Hakkechi Doono Yeeri.”

Galaati 3:26

Ittoshi mulloon Kiristoos Yesuusi toommooch ittoshi tooꞌiyee naboona ittoshi bulli Yeerichi bushiishoo ittoshine.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

Galaati 5:16

Andoo ishichiyoye: Yaafe Ayaanoona yaabeeree beebote; meechi qaatoonoo ciroona ceechiyaahote.

Galaati 5:18

Yaafe Ayaanoona ittoshi yaabeegaata, sheeroyich hajjeyaachote.

Efesooni 1:5

gaawe bi daaggoona Yesuus Kiristoos waanaa biich bushiishoo no tunemmoyich shiichiꞌi gabii maacciye.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

1 Yowannisi 3:24

Hini Yeeri gettiti mooyon tunii beetoyich Yeerina tookkii ikkittino beetone; Yeerichoo biinna tookkii ikkittino beetone. Noonna tookkii bi beemon nooch bi immiti bi Ayaanoona ariibeeto noone.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.