Roomi 8:11 - Kafa Linguistics Project

¹¹ Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

Roomi 8:11 ပူးပေါင်းရင်းမြစ်များ

Isiyaasi 26:19

Qititi ne asheenaꞌo kashechinaꞌon tunemminaꞌone; boonoshi dubeno qitoochee tiyemmone; showee daggooch beetinaꞌote, tibote; emiroonoo shoddebote. Wacciibeeti keetoo showoon bi shuxiyoommon, qitii yagitinaꞌo tiyiree, kashoona beeyemmoyich Doono Yeeri tuniyemmone.

Hiziqeeli 37:14

Ta Ayaanoon ittoshi kashooch kotiyemmo taane; ittoshiyoo kashoona beeyemmo ittoshine; ittoshi hajjee showooch ittoshi beeyemmoyich tuniyemmo taane; ebin getteto, ebinoo tuniito ta tunoon ariyemmo ittoshine; Doono Yeeri ta, ebin getteto taane’ itone gete” iye.

Yowannisi 14:17

Biyoo iberoon bekkiibeeti Ayaanoone; alemo biin beegaanoonaa ariyaanoona bi tunetoyich, bi mullooch qeejjiꞌi biich hajjeyoon hakkaache; tunebaani ittoshi waan beeyemmone; ittoshi mulloochoo qeyemmone; ebich biin ariibeeto ittoshine.

Yowannisi 5:21

Nihoo Yeeri qititinaꞌon tiijjiꞌi kashoon bi imoommon, ebiyoommon bi Bushoo wotta imma bi qaawitinaꞌoyich kashoon immemmone.

Mishiraachechinaꞌo 2:24

Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye.

Roomi 16:10

Kiristoosich bi gibeneyoo miixeeꞌi naadeeti Apheleesich ta diggiyoon getote. Arixobuloosichi kechi asheenaꞌoyich ta diggiyoon getote.

Roomi 16:3

Kiristoos Yesuusichi shuunoon taanna tookkii shuuneebeeti Phirisqilinaa Aqilinoyich ta diggiyoon getote.

Roomi 16:7

Mishiraachechinaꞌo daggoochee woraafa getteetinaꞌo, wotta Kiristoosi toommooch mulloon tooꞌiyoona tayee qaabbeenaꞌo, taanna tookkii cucheti ta xibeenaꞌo Andironiqoosinaa Yuniyasinoyich ta diggiyoon getote.

Roomi 16:9

Kiristoosina, noonna tookkii shuuneti Uribaanoosich, ta shunnaabeeti Istakoosich ta diggiyoon getote.

Roomi 6:12

Illa meechi qaatoo ittoshin bi hajjaachemmoyich, qitemmi ittoshi meechi toommooch axaaxoo taataaye.

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

Roomi 8:12

Illa ta maneenaꞌote! Hiishoo no toommooch beetone; hini hiishoo meechi daaggoona no beeyemmoyich toonoone.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

Roomi 8:9

Tunebaani ittoshi, Yeerichi Ayaano ittoshi mullooch bi beegaata, Yeerichi Ayaanoyich hajjeeꞌi beehotalli, meenoyich hajjeeꞌi beetaachote. Illa Kiristoosichi Ayaano biich aallo bi tunegaata, aroo Kiristoosicho toonoone.

1 Qorontoosi 15:16

Qititinaꞌo tiyaachemminaꞌo bi tunegaata, ishigaata, Kiristoosiyoo qitoochee tiyaanoone getone.

1 Qorontoosi 6:14

Yeeri Doono Yesuusin qitoochee tiijjitone; noonoo wotta bi giidoona qitoochee tiijjemmone.

2 Qorontoosi 4:11

Yesuusichi kashee giidoo wotta qitemmi no ashittinoochaa bi bekkemmoyich, kashechi no, Yesuusichi naboona bulli aaboon qitooch beshiitaa ichaabeeto noone.

2 Qorontoosi 4:14

Doono Yesuusin qitoochee tiijjiti Nuggishoo, noonoo wotta Yesuusina tookki tiijjiree, ittoshina tookki bi aafooch giddiyemmo bi tunoon ariibeeto noone.

2 Qorontoosi 5:4

Iberoon bashoommi hini no meenona beechaa, no meeno noon maggetaa gaashillaabeeto noone; and hini no taheti meenon shootteyoon shunnaabeeto toono noone; tunebaani qitemmi no meeno bulli yemeenee kashoona bi shaddeetaa shimaajji ashittinoon taheya qaawaabeeto noone.

Galaati 6:8

Bi hajjee meenon emirikkiya shookkiibeeto, meenoochee oꞌon qeccemmone; tunebaani Yaafe Ayaanoon emirikkiya shookkiibeeto, Yaafe Ayaanoochee bulli yemeenee kashoon qeccemmone.

Efesooni 2:5

no xuꞌee naboona qitaꞌa no beetaanona, Kiristoosina tookkii nooch kashoon immiye; Yeeri bi wojjoona ittoshin wodiitone.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 11:11

Keejje qemonaa qatonoyee gubb Yeer waanee tuneti kashee hiinno ebi keemechinaꞌochi dubenooch giyiye; kashechon tuneꞌi boonoshi hajjee baatoona neexeheete; boonoshinoo beeggitinaꞌo keqqoona qitiyeete.