Roomi 8:10 - Kafa Linguistics Project

¹⁰ Kiristoosi ittoshi mullooch bi beegaata, ittoshi meeno axaaxee naboona qitito bi tunetaanoona, Yeeri aafoochaa cadiqito ittoshi tunetoyich, Yeerichi Ayaano ittoshich kashoon immitone.

Roomi 8:10 ပူးပေါင်းရင်းမြစ်များ

Leweenaꞌo 13:40

Ikke asho bi qello shimboochaa woyee baroochaa bi shodedegaata, ebi uro xalloone.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 15:5

“Woyinee qombee indoo taane; ittoshiyoo ato ittoshine. Ta aalloon amoonolla halloon hakkaachemmo ittoshine. Ebich taanna beemmo, tawoo biinna beemmo, aroo wodde aafoon aafemmone.

Yowannisi 17:23

Hini oogee yiiroon ta immeto, ‘Tawoo boonoshina ta tunoona, newoo taanna ne tunoona bulli ikkoo tunebeete’ getoyichiye. Ebina taan wochaa ne deejjoon, taanoo ne shunnetoommon boonoshin ne shunon alemo ariyemmone.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 6:54

Ta meeno ibere maayo, ta damoo ibere uyo bi tunetoyich, ta meenon maabeeto, ta damoonoo uchiibeeto, bulli yemeenee kashechone; tawoo ciireexi aabooba qitoochee biin tiijjemmo taane.

Yowannisi 6:56

Ta meenon maabeeto, ta damoonoo uchiibeeto taanna beeyemmone; tawoo biinna beeyemmo taane.

Roomi 5:12

Illa axaaxoo ikke ashi naboona hini alemooch giyiye; axaaxee naboonoo qitoo giyiye; ebiyoommon wotta asho bulli axaaxoon bi shuunetoyich, qitoo asho bulli toommooch shaggiye.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

Roomi 8:11

Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

1 Qorontoosi 15:45

Ebiyoommon wotta “Batti batti asho Addaami kashechon tunehe” getaa Yaafe Macaafooch kooreetone; ciireexi Addaami kashechon tuniibeeti ayaanoone.

2 Qorontoosi 13:5

Kiristoosi toommooch mullee tooꞌiyoona beeto ittoshi tunoon, eke ittoshi qelloon phire boshe beegote. Yesuus Kiristoosi ittoshi ikkikkoo mullee daggooch beemon ariyaachote? Ebi tuno qayigaata, beddito tuneꞌi daneyaano ittoshine getone.

2 Qorontoosi 4:11

Yesuusichi kashee giidoo wotta qitemmi no ashittinoochaa bi bekkemmoyich, kashechi no, Yesuusichi naboona bulli aaboon qitooch beshiitaa ichaabeeto noone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Filipphisiyoosi 1:23

Ebi gutte mooyona shaammehoye; hamma Kiristoosina tookkiree beeya sharaatehoye; ebiyoo bulliyee beshaa beshe gaawetone.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

1 Tasaloonqi 4:16

Yeerichi getee qaaro, maraakeenaꞌochi ukkiroo qaaro, Yeerichi tiree qaaroo waayeyemmone; arooba Doono Yesuusi bi qelloona shimaayoochee kindemmone; Kiristoosina tuneechii qititinaꞌo shiichiree tiyemminaꞌone.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

Yaaꞌoo 14:13

Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.