Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roomi 7:5 - Kafa Linguistics Project

5 Meechi gaboyich hajjeeꞌa no beetaa, sheeroo shuurikkiibeeti axaaxee qaatoo, qitooch bechiibeeti aafoon no aafemmoyich tuniyoyich, no ashittinee daggoochaa shuunee beehe.

အခန်းကိုကြည့်ပါ။ ကော်ပီ




Roomi 7:5
28 ပူးပေါင်းရင်းမြစ်များ  

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.


Meenona shiijjeto meenone; Ayaanoona shiijjeto ayaanoone.


Ebich Yeeri yeelliibeeti qaatee toommooch boonoshi beetaa boonoshin qajjiye. Maacheenaꞌo boonoshi hallooch beeti mooyon hallooch aalli mooyona shaddiyeete.


Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.


Sheeroo Yeerichi kaaree shiixxoon deebiye; tunebaani sheeroo aalloon sheeree shaaddo aalloone.


Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe.


Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.


Asho ittoshi tunoonaa ittoshi shalligee shappee naboona ashi doyee yibbaatoommon gettoye. Wonna ittoshi ashittinee quumeenaꞌo hukkoon boonoshi shuunemmoyich eeꞌoonaa hukkoonoyich guunon tuniiꞌi ittoshi giddiitoommon, ebiyoommon and ittoshi ashittinee quumeenaꞌo Yeerich yaafeetinaꞌo boonoshi tunetoyich, cadiqoyich hajjeebeeti guunon tuniiree giddiibote.


Illa hanaach ittoshi yeelleebeeti mooyinaꞌoochee arooba amee gaacoonolla daneyaano ittoshine. Ebi mooyinaꞌo ciiroochaa qitoochiye boonoshi shakkiibeeto.


Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.


Tunebaani ta ashittinee quumoochaa shuuneebeeti bare sheeroon beeggaabeeto taane; ebiyoo ta mulloona ta emiraabeeti sheeroona tookkii koyeebeeti sheeroone; aroo ta quumeenaꞌo daggooch beeti axaaxee sheeroona taan keccii beetone.


Qitoo gayon bi daneebeeto, axaaxoocheeniye; axaaxoo wuxee giidoon bi daneebeeto, Muusichi Sheeroocheeniye.


Hini alemooch beeto no tunetaanoona, no koyaabeeto hini alemeexi asheenaꞌochoommon toonoone.


“Sheeroon ceechii no quyoona wodemmo noone” iꞌi gibenee beetinaꞌo uppeꞌiniye boonoshi beeto. Ebiyoo, “Muusichi Sheeree macaafooch kooreeti sheereenaꞌo bullin ceechii quyeyaano bulli uppetone” getaa bi kooreetoyichiye.


Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.


Ebich ittoshi shiichiꞌi ittoshi shiijjeroona Ayihudo tuneyaani Aagetee asheenaꞌote, ashi kishoona dokireetinaꞌo getteeti Ayihudeenaꞌo daggooch dokireyaaneenaꞌo getteetinaꞌote, ebin gabibote:


Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.


Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)


Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.


Aroyee gubb ebi uroochi gonde qaatoo yeqqefeꞌi axaaxoon shiyihe; axaaxoo diccii oogeꞌi qitoon shiyihe.


Ittoshi daggooch hayoonaa kaaroona amoochee waahe? Ittoshi ashittinee daggooch koyeebeeti, hini showeexi beemi gaawoon ittoshi qaatiibeeti qaatoochee waato toone?


Axaaxee shuuno sheeroon shaaddo bi tunetoyich, axaaxoon shuuneebeeto bulli Yeerichi sheeroon shaaddee beetone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ