Roomi 7:24 - Kafa Linguistics Project

²⁴ Ta am shaahoon maaceraabeeti asho taane! Hini qitooch bechiibeeti meenoochee konine taan wodiyemmo?

Roomi 7:24 ပူးပေါင်းရင်းမြစ်များ

1 Taateenaꞌo 8:38

ne asheenaꞌo tuneti Israꞌeeleenaꞌo bulliichee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

Shoddo 102:20

Ebiyoo, qoppeenaꞌochi gaashiron waayoyich, qitooch nalleetinaꞌon biichii gawukkoyichiye.

Shoddo 119:131

Ne geteenaꞌon ta qaatitoyich, qaawoona kasho guuteehoye.

Shoddo 119:143

Iritoonaa xuuxoona taan yechiye; tunebaani ne geteenaꞌo taan emirikkiyeete.

Shoddo 119:176

Aalleti bagoochoommon yallyallimito taane; ne geteenaꞌon batteyaano ta tunetoyich, ne guuno taan qaawibe.

Shoddo 119:20

Ta kashe bulli aabooch ne doyoon qaatoona nirahane.

Shoddo 38:2

Ne shango taan kochitone; ne mochoo taan kephetone.

Shoddo 6:6

Gaashillaabee maraateto taane; xumi xumoon ta qeenooch acimoon dudiihoye; ta qoyoonoo acimoona wooriihoye.

Shoddo 71:11

Ishichiinoo iyeete: “Yeeri biin qajjitone; biin wodiyemmo aallo bi tunetoyich, yoohi yeshote” iyeete.

Shoddo 72:12

Girecho bi waan cookiyooba, wodiyemmone; iriteetonaa gaachemmon muccetonon gaachemmone.

Shoddo 88:5

Qititi ashi daggooch duppetoommon, qitiꞌi oppooch qeyitoommon, ebiyee bekk ciroona ne shalligaani, ne kishoochee duppeti ashoommon, tunehoye.

Hiziqeeli 9:4

“Yerusaalemi katemoona hambe; bi daggoochaa tuneti ciigiiti mooyoyich ayinii beetinaꞌonaa eeppii beetinaꞌonochi barooch malletoon gede” iye.

Mikiyaasi 7:19

Wochinnoon nooch ariqqehine; no xuꞌoon ne baatee dechiich neexxehine; no axaaxoonoo baharee dechi duchooch duppehine.

Maatiyoosi 5:4

Tuummii beetinaꞌo diireetinaꞌone; Yeeri boonoshin goggiyemmone.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Roomi 6:6

Axaaxee gommo waan yeepphiibeeti gonde qaatoo ciroona aallemmoyich, Kiristoosi masqalooch bi yooddehooba, wonnee geene no mullo biinna tookkii yooddeꞌi bi qitoon ariibeeto noone; ebi tuneto ebiyee bekk axaaxoyich no hajjeyaachemmoyichiye.

Roomi 8:13

Meechi daaggoona ittoshi beegaata, qitemmo ittoshine; tunebaani Yeerichi Ayaanee giidoona meechi shuunoon ittoshi wuxigaata, kashoona beeyemmo ittoshine.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

Roomi 8:23

Halleenaꞌo ikkeetinaꞌo baach tooneenaꞌone; shiichiti wojjoon tuniiꞌi nooch Yeeri immiti Yaafe Ayaano nooch beeti no, no qelloona wotta no ashittinee biicheyoon, ebi getoo Yeeri bi bushoo no tunoon bi bekkiyoon quyaabee, no maacoona gaashillaabeeto noone.

Roomi 8:26

Ebiyoommon wotta Yeerichi Ayaano no maraatoon gaachee beetone; aabichiree no corootemmo gaata ariyaano noone; tunebaani Yeerichi Ayaano bi qelloona ebine getaa getteyoo hakkeyaani qaaroona gaashilliibee no qoodoon Yeerin nooch qollee beetone.

Qolaasiyaasi 2:11

Ittoshiyoo biicho ittoshi tunoona, dokireeto ittoshine. Ebi ittoshi dokkireyoo, axaaxoo waan gaꞌeebeeti gonde shuriyoon shootoyich, Kiristoosina tunetoꞌani ashi kishoona tuneto toonoone.

2 Ximootiyoosi 4:18

Doono Yesuus Kiristoosi gonde mooyo bulliichee taan echiyemmone; wodiiree shimaajji bi taatittineech taan giijjemmone; bulli yemeenoon oogee yiiroo biich tunebe. Ameena.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 2:15

Wotta boonoshi beemi yemeeno bullin qitoon shatona guuchittinooch hajjeeꞌi beetinaꞌon biishe bi kichemmoyichiye.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.