Roomi 7:23 - Kafa Linguistics Project

²³ Tunebaani ta ashittinee quumoochaa shuuneebeeti bare sheeroon beeggaabeeto taane; ebiyoo ta mulloona ta emiraabeeti sheeroona tookkii koyeebeeti sheeroone; aroo ta quumeenaꞌo daggooch beeti axaaxee sheeroona taan keccii beetone.

Roomi 7:23 ပူးပေါင်းရင်းမြစ်များ

Shoddo 142:7

Neen ta galletemmoyich cuyoochee taan kichibe; taach ne tuniiti gaawe mooyona, cadiqe asheenaꞌo ta guudoona kiceyemminaꞌone.

Dojjecho 7:20

Deꞌe mooyon baach shuuneebeeto, axaaxoon shuunee ariyaani cadiqe asho, hini showee toommooch ciroona aalloone.

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

Roomi 6:19

Asho ittoshi tunoonaa ittoshi shalligee shappee naboona ashi doyee yibbaatoommon gettoye. Wonna ittoshi ashittinee quumeenaꞌo hukkoon boonoshi shuunemmoyich eeꞌoonaa hukkoonoyich guunon tuniiꞌi ittoshi giddiitoommon, ebiyoommon and ittoshi ashittinee quumeenaꞌo Yeerich yaafeetinaꞌo boonoshi tunetoyich, cadiqoyich hajjeebeeti guunon tuniiree giddiibote.

Roomi 7:14

Sheeroo Yeerichi Ayaanoochee bi tunoon ariibeeto noone; tunebaani axaaxoyich hajjeya kechaꞌa meenon taheti asho taane.

Roomi 7:21

Illa eechii shuuneebeeti sheeroon beeggaabeeto taane: Gaaweton tuniiya qaawaabee gondoon shuunoochee wohaache.

Roomi 7:25

No Doono Yesuus Kiristoosi waanaa Yeerich galleto bede. Illa ta mulloona Yeerichi sheeroyich hajjeebeeto, tunebaani ta meenona axaaxee sheeroyich hajjeebeeto tuneto taane.

Roomi 7:5

Meechi gaboyich hajjeeꞌa no beetaa, sheeroo shuurikkiibeeti axaaxee qaatoo, qitooch bechiibeeti aafoon no aafemmoyich tuniyoyich, no ashittinee daggoochaa shuunee beehe.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

Galaati 5:17

Yaafe Ayaano qaatii beeton meeno shixxii beetone; wotta meeno qaatii beeton Yaafe Ayaano shixxii beetone. Eboshi boonoshinaa boonoshina qiiccee toommooch boonoshi beetoyich, ittoshi shunnii beeton tuniyoon hakkaachote.

Hibireena'o 12:4

Damoon ittoshi ukkimmi wottoon axaaxoona tookkii batt qiicceyaano ittoshine.

Yaaqobi 3:2

No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.

Yaaqobi 4:1

Ittoshi daggooch hayoonaa kaaroona amoochee waahe? Ittoshi ashittinee daggooch koyeebeeti, hini showeexi beemi gaawoon ittoshi qaatiibeeti qaatoochee waato toone?

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.