Roomi 7:18 - Kafa Linguistics Project

¹⁸ Ta waan, ebi getoo ta meechi shuriyooch, gaawe mooyo aallo bi tunoon ariibeeto taane; gaawe mooyon tuniyoyich ta qaawitaanona, tuniyoon hakkaache.

Roomi 7:18 ပူးပေါင်းရင်းမြစ်များ

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

Iyoobi 14:4

Eeꞌoochee xalle mooyon danoon hakkemmo konine? Koniyoona aalloone.

Iyoobi 25:4

Yeeri aafoochaa asho cadiqo bi tunemmo aabichireeshiye? Maachee waanee shiijjeti asho xalloo bi tunemmo aabichireeshiye?

Shoddo 119:173

Ne geteenaꞌon ta kaaccetoyich, ne mochoona taan gaachebe.

Shoddo 119:176

Aalleti bagoochoommon yallyallimito taane; ne geteenaꞌon batteyaano ta tunetoyich, ne guuno taan qaawibe.

Shoddo 119:32

Wodde shalligoon taach ne immaa beetoyich, ne geteenaꞌon tuniyoyich shittemmo taane.

Shoddo 119:40

Ne geteenaꞌon sharaateto taane; ne cadiqittinoona kashoona taan neechibe.

Shoddo 119:5

Ne qociyoon quyoona gibeneeto tunoon, am shaahoon shunnehote.

Shoddo 51:5

Ta shiijjoochee tiijjaꞌa gondeto taane; ta indee maacooch ta xifeetoochee tiijjaꞌa axaaxecho taane.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Luqaasi 11:13

Gondo ittoshi tunetaanoona, ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich Yaafe Ayaanoon am shaahoon beshaa beshiiree immehe!” iye.

Yowannisi 3:6

Meenona shiijjeto meenone; Ayaanoona shiijjeto ayaanoone.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 7:15

Amoon ta tuniyaabeeto gaata taach giyaanoone; ta shixxaabeeti mooyoniye ta tuniyaabeeto; tunebaani ta shunnaabeeti mooyon tuniyaano taane.

Roomi 7:19

Ta shunaani gonde mooyonalli ta tuniyaabeeto, ta shunnaabeeti gaawe mooyon toonoone.

Roomi 7:25

No Doono Yesuus Kiristoosi waanaa Yeerich galleto bede. Illa ta mulloona Yeerichi sheeroyich hajjeebeeto, tunebaani ta meenona axaaxee sheeroyich hajjeebeeto tuneto taane.

Roomi 7:5

Meechi gaboyich hajjeeꞌa no beetaa, sheeroo shuurikkiibeeti axaaxee qaatoo, qitooch bechiibeeti aafoon no aafemmoyich tuniyoyich, no ashittinee daggoochaa shuunee beehe.

Galaati 5:17

Yaafe Ayaano qaatii beeton meeno shixxii beetone; wotta meeno qaatii beeton Yaafe Ayaano shixxii beetone. Eboshi boonoshinaa boonoshina qiiccee toommooch boonoshi beetoyich, ittoshi shunnii beeton tuniyoon hakkaachote.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.

Filipphisiyoosi 3:12

“And yecheto taane” woyee “And shappaalli asho taane” getaache; tunebaani Kiristoos Yesuusi taan bi yeshiyooba bi gabiti gaboon aroon wotta “Ceechemmo taane” iyaꞌa woccaabeeto taane.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

1 Pheexiroosi 4:2

Illa ebiyee gubb meenona beemoyich biich echeti yemeenooch bi beeyemmo Yeerichi daaggoyichalli, bi meechi gonde qaatoyich hajjeeree toonoone.