Roomi 6:22 - Kafa Linguistics Project

²² Tunebaani and axaaxee guuchittinoochee kechiꞌi Yeerich hajjeebeeti guuno tuneto ittoshine; Yeerich yaafeeti gaacecho ittoshine; ebiyoo ciiroochaa bulli yemeenee kashoochiye ittoshin bi shakkiyemmo.

Roomi 6:22 ပူးပေါင်းရင်းမြစ်များ

Halloo 50:17

‘Yooseefich “Ne maneenaꞌo ne toommooch tuniiti axaaxoonaa gonde xuꞌoonon maaribe” getote’ itone. Illa ne nihoochi Nuggishoo guuno no ‘No xuꞌoon maaribe’ iyaa qollaabeeto noone” iyeete. Ebi boonoshi wocho bi waan shagaa, Yooseefi eeppiye.

Iyoobi 1:8

Doono Yeeriyoo Sheexaanoon, “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone” iye.

Shoddo 143:12

Taach shoodecho ne tunetoyich, ta etteenaꞌon aalliibe; ne guuno ta tunetoyich ta etteenaꞌon aalliibe.

Shoddo 86:2

Neech gibeneeto ta tunetoyich, ta kasheen quyebe; ne, ta Nuggishoo neene; neen gibeneti ne guuno taan wodiibe.

Shoddo 92:14

Boonoshi geenehoobolla aafemminaꞌone; bulli aabooch kupphe, nuuriree, “Doono Yeeri kaamoone; biyoo nooch Deebe Xaqqoone; bi waan xumme mooyo aalloone” geti awaajjibee, beeyemminaꞌone.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Daaneeli 3:26

Nabukadinatsoriyoo qaaqqee sheellee kellooch giddeꞌi, “Beshe Nuggishoo Yeeri guuno tuneti Sidiraaq, Misaaq, Abidinago! Waa keyote; hach wobote” iye. Boonoshiyoo kechiyeete.

Daaneeli 6:20

Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.

Haddoo 23:10

Mattiqutte Yaaqobichi shiijjeroon hakki haddemmo, kone? Israꞌeelichi shiijjeree heecoon hakki haddemmo, kone? Tawoo cadiqo qitoommon qitibone; ta ciiroo wotta bi ciiroon shaahibe” iye.

Maatiyoosi 13:40

“Illa dadaddo macaa qaaqqoona bi micoommon, yemeenee ciirooba ebiyoommon tunemmone.

Maatiyoosi 13:43

Arooba cadiqeenaꞌo boonoshi Nihoo Yeerichi taatittineechaa aabeechoommon aaxxemminaꞌone. Illa waayeebeeti waajjecho waayebe” iye.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 15:2

Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.

Yowannisi 4:36

Andolla qecciibeeto bi caajjee gatiyoon deqqii beetone; shookkechonaa qeccechona ikkooch tookkiree boonoshi emiremmoyich, qecciibeeto aafeti maayoon bulli yemeenee kashoyich kicii beetone.

Yowannisi 8:32

iberoonoo ariyemmo ittoshine; iberoo guuchittinoochee ittoshin kichemmone” iye.

Roomi 6:14

Ebiyoo axaaxoo ittoshin hajjaachemmo bi tunetoyichiye; hajjeeꞌi ittoshi beeto Yeerichi wojjoyichalli, sheeroyich toonoone.

Roomi 6:21

Illa hanaach ittoshi yeelleebeeti mooyinaꞌoochee arooba amee gaacoonolla daneyaano ittoshine. Ebi mooyinaꞌo ciiroochaa qitoochiye boonoshi shakkiibeeto.

Roomi 7:25

No Doono Yesuus Kiristoosi waanaa Yeerich galleto bede. Illa ta mulloona Yeerichi sheeroyich hajjeebeeto, tunebaani ta meenona axaaxee sheeroyich hajjeebeeto tuneto taane.

Roomi 7:4

Ta maneenaꞌote! Ebiyoommon ittoshi wotta Kiristoosi masqalooch yoodaa bi qitiyooba, Muusichi Sheeroyich qitito ittoshine. Andoo aafoon Yeerich no aafemmoyich, qitoochee tiyiti Yesuusichi hajjoo tuneto ittoshine.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

1 Qorontoosi 7:22

Guuchittinooch beechii ceekketo, Doono Yesuus Kiristoosina guuchittinoochee kechitone; ebiyoommon wotta guuchittinoyich hajjeyaan beechii ceekketo Kiristoosichi guunone.

2 Qorontoosi 3:17

Illa Doono Ayaanoone; Doonochi Ayaano beeti are xaaꞌooch guuchittinoochee keyo beetone.

Galaati 1:10

Illa and naadoon danoon ta qaawaabeeto, ashi waaneeniyee Yeer waaneeniye? Woyee ashoon emirikkoon qaawaa beetote? Ashoon emirikkoon qaawaabeeto ta tunemmogaata, Kiristoosichi maddecho tuneyaachesho taane.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Filipphisiyoosi 4:17

Ta ishichaabeeto, ittoshi deꞌittinoyich gaacoon ittoshi danemmoyich qaawoonalli, ittoshi gijjee wojjoon qaawoona toonoone.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

Qolaasiyaasi 4:12

Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.

Titoosi 1:1

Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

1 Pheexiroosi 1:9

Ittoshi emiriibeeto, Yeeri ittoshin wodii bi beetoyichiye; ebiyoo ittoshi mulloon bi toommooch ittoshi tooꞌitoyichiye.

1 Pheexiroosi 2:16

Guuchittinooch hajjeyoochee keyiree Yeerichi guuninaꞌochoommon beebotalli, are guuchittinoochee ittoshi keyon gonde shuunee qeroon tuniyaahote.

Yaaꞌoo 7:13

Geeneenaꞌo daggoochee ikkoo tiyiꞌi, “Nacce tahoon taheti eboshi ameexinaꞌone? Amoochee waatinaꞌone?” iꞌi taan echehe.