Roomi 6:21 - Kafa Linguistics Project

²¹ Illa hanaach ittoshi yeelleebeeti mooyinaꞌoochee arooba amee gaacoonolla daneyaano ittoshine. Ebi mooyinaꞌo ciiroochaa qitoochiye boonoshi shakkiibeeto.

Roomi 6:21 ပူးပေါင်းရင်းမြစ်များ

1 Taateenaꞌo 2:26

Qeeshoo Abiyataarich taatoo ishichiye: “Qita bede asho neene. Tunebaani and neen wuxaachemmo taane. Ebiyoo Nuggishoo Doono Yeerichi taabootoon ta nihoo Daawiti aafoochaa ne shaaggetonaa ta nihoo Daawitichi iritoo bullin ne qoodeetonoyichiye. Anaatoot beeti ne goyooch hambe” iye.

Iziri 9:6

ishichaꞌa corootiyo: “Ta Nuggishoocho, no axaaxoo no qelloyee damboo tunetone; no xuꞌo shimaayooch beddaahaa shaggitone. Ta Nuggishoocho, ne aafooch kaama ciinon yeellehoye; ceellaanoo iyoye.

Iyoobi 33:27

Biyoo shoddebee asho bullich ishichemmone: ‘Ta, axaaxoon shuunaa, kaame mooyonoo xummiito taane; tunebaani taach tun bedoommon, Yeeri taan sheeraanoone.

Iyoobi 40:4

“Ta, gitte asho taane; neech ta wochemmo ama getireeshiye? Ta noonoon uppeto taane.

Iyoobi 42:6

Ebich ta qelloon wochaa hoxaabeeto taane; tulloonaa buttoonooch kotaachaa ta gondoon aannaabeeto taane” iye.

Shoddo 73:17

Ebiyoo Yeerich yaafee kexooch ta giyemmi wottooniye. Ta giyetoyee gubb, gondeenaꞌochi ciiro amo gaata ariihoye.

Shaahiyoo 1:31

boonoshi shuunetoommo boonoshi toommooch shuuneyemmone; ashi toommooch boonoshi koceeto boonoshin yechemmone.

Shaahiyoo 14:12

Ashich kaamoo shaahiibeeti boocho beete; tunebaani ciiroochaa qitooch bechii beetone.

Shaahiyoo 16:25

Ashich kaamoo shaahiibeeti boocho beete; tunebaani ciiroochaa qitooch daammii beetone.

Isiyaasi 3:10

Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.

Erimiyaasi 12:13

Teepphoon shookkiyeete; guccinon qecciyeete; aajjiyeete; tunebaani amoonolla boonoshich gaacaanoone; Doono Yeerichi kupphe kaaroochee tiyitona boonoshi marehooba yeellemminaꞌone” iye.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 3:3

Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Erimiyaasi 31:19

Neyee wokkaa ta hammetoyee gubb, gondoochee wottehoye; ta ariitoyee guboo ta qelloon tappehoye; bushaa ta beehooba axaaxoon ta shuunetoyich yeellehoye; cooneehoye’ ii beetone.

Erimiyaasi 8:12

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone. Ebich bareenaꞌo dihoommon dihemminaꞌone; boonoshin ta naxehooboo qiti aallemminaꞌone” iye Doono Yeeri.

Hiziqeeli 43:11

Boonoshi shuuneti axaaxoo bullina yeelletinaꞌo boonoshi tunegaata, yaafee kechi yamoon, bi shuunoon, keyi kelloon, gimi kelloon, shuunee yamo bullin, bi qociyoonaa bi sheeroonon boonoshich arichiibe; bi yamoonaa bi sheeroonon boonoshi dabbemmoyich boonoshi aafoochaa kooribe.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 5:12

Illa axaaxoo ikke ashi naboona hini alemooch giyiye; axaaxee naboonoo qitoo giyiye; ebiyoommon wotta asho bulli axaaxoon bi shuunetoyich, qitoo asho bulli toommooch shaggiye.

Roomi 6:16

Hajjeyoyich guuno tuniiꞌi ittoshi qelloon biich ittoshi guudiiti ashich guuno ittoshi tunoon ariyaachote? Woyee axaaxee guuno tuneree qitemmo ittoshine; woyee Yeerich hajjeebeeti guuno tuneree cadiqo tunemmo ittoshine.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Roomi 7:5

Meechi gaboyich hajjeeꞌa no beetaa, sheeroo shuurikkiibeeti axaaxee qaatoo, qitooch bechiibeeti aafoon no aafemmoyich tuniyoyich, no ashittinee daggoochaa shuunee beehe.

Roomi 8:13

Meechi daaggoona ittoshi beegaata, qitemmo ittoshine; tunebaani Yeerichi Ayaanee giidoona meechi shuunoon ittoshi wuxigaata, kashoona beeyemmo ittoshine.

Roomi 8:6

Meechi mooyon gabiibeeti asho qitoochiye bi shaggemmo; tunebaani Yeerichi Ayaaneechon gabiibeeti asho kashoonaa diggoonon danemmone.

2 Qorontoosi 4:2

No, no qelloona yeelliibeeti aashee mooyo bullin shuuneyaachone ito noone; dawushoona shuuneyaachone; Yeerichi qaaroon kootoona baccaachone. Tunebaani iberoon xallayiꞌi getona Yeeri aafooch am shaahe asho gaata no tunoon asho bulli bi mulloona ariyemmoyich tuniihone.

2 Qorontoosi 7:11

Ebi Yeerichi daaggoommon tuneti ayinoo am shaahe maac kuxo tunoon, xuꞌoochee xalloo ittoshi tunoon bekkiyoyich am shaahe qanaatoon, gonde moochi toommooch am shaahe kaaroon, am shaahe shaton, taach ittoshich beeti am shaahe sharaatoon, mulloochee tiyiti am shaahe qanaatoonaa xuꞌecho toommooch nalloonon ittoshi daggooch tuniite! Ebi mooyoyich bulli gommona xalloo ittoshi tunoon miixiito ittoshine.

Yibbaatoo 17:6

Tunebaani boonoshi qitemmo, gutte woyee keejje miixoo boonoshi toommooch miixegaata baachiye. Ikke miixoo baach boonoshi toommooch miixegaata, qitaayeete.

Yibbaatoo 21:22

Muusi Israꞌeeleenaꞌoyich ishichiye: “Ikke asho qitooch bechemmi axaaxoon bi shuunetaa, biin wuxaꞌa bi dubenoon mixooch ne yoodigaata,

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

Hibireena'o 6:8

tunebaani angixonaa guccinonon bi colliigaata, gaacaalleene; Yeerina uppeyaniye bi ii beeto; ciiroochaanoo qaaqqoona miccemmine.

Yaaqobi 1:15

Aroyee gubb ebi uroochi gonde qaatoo yeqqefeꞌi axaaxoon shiyihe; axaaxoo diccii oogeꞌi qitoon shiyihe.

Yaaqobi 5:20

axaaxechon muriccii bi hammiti gommoochee wochiibeeto, bi kashoon qitoochee wodiibeeto bi tunoon, wotta bi shuuneti wodde axaaxoyich maaroon bi daniyoon ariibe.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.

Yaaꞌoo 16:6

Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.

Yaaꞌoo 20:14

Qitoonaa Siꞌooloona qaaqqee baharooch duppeheete; ebi qaaqqee baharooch duppo guttinnee qitoone.