Roomi 6:16 - Kafa Linguistics Project

¹⁶ Hajjeyoyich guuno tuniiꞌi ittoshi qelloon biich ittoshi guudiiti ashich guuno ittoshi tunoon ariyaachote? Woyee axaaxee guuno tuneree qitemmo ittoshine; woyee Yeerich hajjeebeeti guuno tuneree cadiqo tunemmo ittoshine.

Roomi 6:16 ပူးပေါင်းရင်းမြစ်များ

Halloo 4:7

Gaaweton ne shuuneto gaata, ne aafo biresho toone? Tunebaani gaaweton tuniyoo ne qayigaata, axaaxoo ne kellooch ottitone; bi qaatoo neen hajjemmone; tunebaani ne bi toommooch taatebe” iye.

Maatiyoosi 20:4

Areenaꞌonoo ‘Ittoshi wotta ta woyinee goyo beetooch hamiree shuunebote; ittoshi qoodee shumaayoon ittoshich immemmo taane’ iye.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Yowannisi 8:34

Yesuusi ishichiꞌi boonoshich wochiye, “Iberoon ittoshich gettoye: Axaaxoon shuuneebeeto bulli axaaxee guunone.

Roomi 11:2

Yeeri shiichiꞌi bi kaacciti bi asheenaꞌon shixxii qayaanoone. Yaafe Macaafooch keemechi Eliyaasicho kooreeton ariyaachote? Yeer waan corootiibee ishichiꞌi Israꞌeeleenaꞌon taggetone:

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 6:17

Tunebaani shiichiꞌi axaaxoyich hajjeebeeti guuno ittoshi tunetaanoona, ittoshich icheti doyoochee daneti iberoyich mulloochee tiijjiꞌi ittoshi deꞌa itoyich, axaaxee guuchittinoochee kechiꞌi cadiqoyich ittoshi hajjeetoyich, Yeerich galleto bede.

1 Qorontoosi 3:16

Ittoshi Yeerichi yaafee kexo ittoshi tunoonaa Yeerichi Yaafe Ayaano ittoshi mullooch bi beemonon ariyaachote?

1 Qorontoosi 5:6

Ittoshi geecoo tato toonoone. Giisheche bukee shittoo dofee bukoon koofiibeeto bi tunoon ariyaachote?

1 Qorontoosi 6:2

Yaafeenaꞌo hini alemee toommooch gubb nallemminaꞌo boonoshi tunoon ariyaachote? Hini alemee toommooch gubb nallemmo ittoshi tunegaata, and giisheche mooyon nalloo ittoshin mawiye?

1 Qorontoosi 6:3

Qemi qemona daneebeeti mooyo qayaa, maraakeenaꞌo toommoochona gubb nallemmo no tunoon ariyaachote?

1 Qorontoosi 6:9

Hukkechinaꞌo Yeerichi taatittineen woraashaachemminaꞌo boonoshi tunoon ariyaachote? Muriccaahote! Shunoon maa beetinaꞌo, shahalloyich goyinnee beetinaꞌo, yahechinaꞌo, anaamona tookkii shunoon maabeeti anaaminaꞌo,

1 Qorontoosi 9:13

Yaafee kechi maddechinaꞌo aroochee boonoshi maayemmon boonoshi danoon ariyaachote? Wotta yaafee kechi deejjee xaaꞌooch deejjoon giddii beetinaꞌo are deejjee maayoochee boonoshi qoodeyoon ariyaachote?

1 Qorontoosi 9:24

Woccii beshoon gajjiteeꞌi wocee beetinaꞌo daggoochee wocona beshiree naadee wojjoon danemmo ikke uro baach tunoon ariyaachote? Ebiyoommon naadee wojjoon ittoshi danemmoyich kuppheree gaaweti wocon wocebote.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.

2 Pheexiroosi 2:19

Areenaꞌo boonoshi qelloona eeꞌe shuunoyich hajjeeti guuninaꞌo tuneechii, bareenaꞌon “Guuchittinoochee kechemmo ittoshine” iibee gibenikkii beetinaꞌone. Asho, biin hajjiti mooyo amoyicholla guunone.