Roomi 6:14 - Kafa Linguistics Project

¹⁴ Ebiyoo axaaxoo ittoshin hajjaachemmo bi tunetoyichiye; hajjeeꞌi ittoshi beeto Yeerichi wojjoyichalli, sheeroyich toonoone.

Roomi 6:14 ပူးပေါင်းရင်းမြစ်များ

Leweenaꞌo 25:41

Arooba biinnaa bi bushiishoona gawukkaa hambeete. Bi xibeenaꞌo waan, bi qaabbechinaꞌo showooch wottebe.

Mikiyaasi 7:19

Wochinnoon nooch ariqqehine; no xuꞌoon ne baatee dechiich neexxehine; no axaaxoonoo baharee dechi duchooch duppehine.

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 8:36

Illa Bushoo ittoshin guuchittinoochee bi kichigaata, iberoon guuchittinoochee kechemmo ittoshine.

Roomi 11:6

Kaacceyoo Yeerichi wojjoona bi tunegaata ashi shuunoona toonoone getone. Ashi shuunoona bi tunemmo gaata, wojjoo ibere wojjoo bi tuno echetone getone.

Roomi 4:16

Ebich sheeroyich hajjeeꞌi beetinaꞌo ikkeetinaꞌoyich baach tuneyaanoon, Abrahamichoommon mulloon tooꞌiiti bi yareenaꞌo bullich wotta gibenee qaaro manjemmoyich, are gibenoo Yeerichi wojjoommo bi tunemmoyich, Yeeri toommooch mullee tooꞌiyoonane bi daneebeeto. Ebich biyoo “Meeti aageteenaꞌoyich nihoon neen tuniihoye” getaa bi kooreetoommon, qititinaꞌoyich kashoon immiibeeti, aalloonoo beeto tuniiꞌi neechiibeeti, bi toommooch mulloon bi tooꞌiiti Yeeri aafoochaa no bulli nihoone.

Roomi 5:17

Ikke ashi xuꞌoona qitoo are ikkoochi gommona taatetone; ebi tunegaata, Yeerichi wodde wojjoonaa cadiqee wojjoonon danee beetinaꞌo kashecho tuneree ikke asho Yesuus Kiristoosi gommona am shaahoon beshaa beshiree taateheete!

Roomi 5:18

Illa ikke uro shuuneti xuꞌee naboona Yeerichi naxo asheenaꞌo bulli toommooch bi shaggitoommon, ebiyoommon wotta ikke uro shuuneti cadiqee naboona asheenaꞌo bullin kashechon tuniibeeti cadiqoo danemmone.

Roomi 6:12

Illa meechi qaatoo ittoshin bi hajjaachemmoyich, qitemmi ittoshi meechi toommooch axaaxoo taataaye.

Roomi 6:15

Illa amo tuneba? Yeerichi wojjoyich hajjeebeeto noani, sheeroyich hajjeebeeto tuno no qajjetoyich, axaaxoon shuunebona? Ciroona tuneyaache!

Roomi 8:12

Illa ta maneenaꞌote! Hiishoo no toommooch beetone; hini hiishoo meechi daaggoona no beeyemmoyich toonoone.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

Galaati 3:23

Tunebaani Kiristoosi toommooch mullee tooꞌiyee yemeeno waataan beetaa, are mullee tooꞌiyoo gaxxeemmi wottoon, sheeroona cuchaa quyeeꞌa beehone.

Galaati 4:21

Hini Muusichi Sheeroyich hajjeeꞌi beemoyich shunnii beetinaꞌote, eke taach getote: Are sheeroo gettii beeton waayeyaachehote?

Galaati 5:18

Yaafe Ayaanoona ittoshi yaabeegaata, sheeroyich hajjeyaachote.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 8:10

Ebi are yemeenoyee gubb Israꞌeelee macceenaꞌona tookki ta giyemmi wogo ebine, iye Doono Yeeri: Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.