Roomi 6:12 - Kafa Linguistics Project

¹² Illa meechi qaatoo ittoshin bi hajjaachemmoyich, qitemmi ittoshi meechi toommooch axaaxoo taataaye.

Roomi 6:12 ပူးပေါင်းရင်းမြစ်များ

Halloo 4:7

Gaaweton ne shuuneto gaata, ne aafo biresho toone? Tunebaani gaaweton tuniyoo ne qayigaata, axaaxoo ne kellooch ottitone; bi qaatoo neen hajjemmone; tunebaani ne bi toommooch taatebe” iye.

Shoddo 119:133

Ne gibenee qaaroona taan yaabibe; axaaxoo ta toommooch taataaye.

Shoddo 19:13

Ariibee axaaxoon shuunoochee ne guuno taan quyebe; taan bi hajjaachemmoyich taan gaachebe. Ebiyooba xalloo tunemmo taane; ooge axaaxoochee xallemmo taane.

Leweenaꞌo 13:40

Ikke asho bi qello shimboochaa woyee baroochaa bi shodedegaata, ebi uro xalloone.

Haddoo 33:55

Are showeexi asheenaꞌon ittoshi aafoochee yooho ittoshi qayigaata, ebi ittoshi echiiti asheenaꞌo ittoshi aafoyich michi shelloon, ittoshi naaboyichoo angixon tunemminaꞌone. Ittoshi beeyemmi showoochaa ittoshin duꞌiyemminaꞌone.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 2:8

Tunebaani beshi bekkeya qaawii beetinaꞌo toommooch, iberoyich deꞌa geton qajjiichii xumme mooyon shuunee beetinaꞌo toommooch, kaaree shiixxoonaa naxoona kindemmone.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

Roomi 6:14

Ebiyoo axaaxoo ittoshin hajjaachemmo bi tunetoyichiye; hajjeeꞌi ittoshi beeto Yeerichi wojjoyichalli, sheeroyich toonoone.

Roomi 6:16

Hajjeyoyich guuno tuniiꞌi ittoshi qelloon biich ittoshi guudiiti ashich guuno ittoshi tunoon ariyaachote? Woyee axaaxee guuno tuneree qitemmo ittoshine; woyee Yeerich hajjeebeeti guuno tuneree cadiqo tunemmo ittoshine.

Roomi 8:11

Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

Roomi 8:13

Meechi daaggoona ittoshi beegaata, qitemmo ittoshine; tunebaani Yeerichi Ayaanee giidoona meechi shuunoon ittoshi wuxigaata, kashoona beeyemmo ittoshine.

2 Qorontoosi 4:11

Yesuusichi kashee giidoo wotta qitemmi no ashittinoochaa bi bekkemmoyich, kashechi no, Yesuusichi naboona bulli aaboon qitooch beshiitaa ichaabeeto noone.

2 Qorontoosi 5:4

Iberoon bashoommi hini no meenona beechaa, no meeno noon maggetaa gaashillaabeeto noone; and hini no taheti meenon shootteyoon shunnaabeeto toono noone; tunebaani qitemmi no meeno bulli yemeenee kashoona bi shaddeetaa shimaajji ashittinoon taheya qaawaabeeto noone.

Galaati 5:16

Andoo ishichiyoye: Yaafe Ayaanoona yaabeeree beebote; meechi qaatoonoo ciroona ceechiyaahote.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Yibbaatoo 7:2

Ne Nuggishoo Doono Yeeri boonoshin ne kishooch beshii bi imaa, koyi wochemmo neene. Ebiyooba boonoshin ciroona hidi aalliibe. Boonoshina tookki ikkotteya wogoon giyaahine. Boonoshichoo ariqqeyaahine.

2 Ximootiyoosi 2:22

Ebich gonde gurimaashittinee qaatoochee wohe; xalle mulloona Doono Yeerin qollee beetinaꞌona tookkiree cadiqoon, Kiristoosi toommooch mullee tooꞌiyoon, maneenaꞌon shunon, asho bullina tookkii diggoona beemonoo kupphiiree dabbibe.

Titoosi 2:12

Ebi wojjoo axaaxee shuunoonaa hini showeexi mooyon qaatoonon qayiree, and hini yemeenooch no qellee quyoona, cadiqittinoonoo Yeerin oogiibeeti beemon no beeyemmoyich dojjii beetone.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

1 Pheexiroosi 1:14

Yeerich deꞌa ii beeti bushiishoon tunebotalli, ebiyee aaf tuushoona ittoshi shuunetoommi qaatoon dabbiyaahote.

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.

Yihudi 1:18

Boonoshiyoo ittoshich “Yemeenee ciirooba boonoshi hajjee gonde qaatoon dabbemmi cooqqirechinaꞌo woyemminaꞌone” itinaꞌone.

Woraaferasheenaꞌo 2:3

And illa ittoshich ta gettaabeeto, ebiniye: Ebi asheenaꞌon ittoshi aafoochee yoohi aalliyaachemmo taane. Boonoshiyoo ittoshich ettoon tunemminaꞌone. Boonoshi nuggisheenaꞌo wotta ittoshich olloon tunemminaꞌone” iye.